Бугун,

  • USD 11095.31
  • RUB 173.84
  • EUR 10772.44

Ўзбекистонда хусусий корхоналарга қарашли айрим ёнилғи қуйиш шохобчаларида Аи-80 маркали бензинни Аи-91 маркаси остида сотиш фактлари аниқланди. Бу ҳақда Рақобатни ривожлантириш ва истеъмолчилар ҳуқуқларини ҳимоя қилиш қўмитаси хабар берди.

Қўмита матбуот хизматининг маълум қилишича, Ўзбекистоннинг турли ҳудудларида хусусий корхоналарга қарашли 23 та ёнилғи қуйиш шохобчаларида сотилаётган ёнилғи сифатини аниқлаш мақсадида назорат харидлари ўтказилди, шунингдек, белгиланган ҳажмдан кам ҳажмларда бензин маҳсулотини қуйиб бериш ҳолатлари ҳам ўрганилди.

Ўрганишлар натижаси қонунбузарликлар Самарқанд вилоятидаги “Триада экспресс сервис” МЧЖ, “Туроп Годир” МЧЖ ва “Мухаммад нефть оил” МЧЖ каби ёнилғи қуйиш шохобчаларида аниқланган. Сирдарё вилоятидаги “Саид АГСМ Тех Сервис”, “Бекзод-5”, “Мурод Мақсад Транс” ва Lux Petrol МЧЖларга қарашли ёнилғи қуйиш ва бошқа шу каби шохобчаларда ҳам бундай ҳолатлар кузатилган.

Ёнилғи қуйиш шохобчалари фаолиятини ўрганиш натижаларига кўра, бензинни нотўғри сотиш, шунингдек, истеъмолчиларга тўлиқ ҳажмларда қуйиб бермаслик натижасида етказилган зарар миқдори қарийб 489 миллион сўмни ташкил этган.

“Истеъмолчилар ҳуқуқларини ҳимоя қилиш тўғрисида”ги қонунда сотувчи истеъмолчига ўзи сотаётган товар тўғрисидаги зарур, ишончли ва фойдаланиш мумкин бўлган маълумотларни ўз вақтида тақдим этиши шартлиги белгиланган. Агар маҳсулот тўғрисида нотўғри ёки етарли даражада тўлиқ бўлмаган маълумотларнинг тақдим этилиши зарур истеъмол хусусиятларига эга бўлмаган товарларни сотиб олишга олиб келган бўлса, истеъмолчи шартномани бекор қилишга ва унга етказилган зарарнинг ўрнини қоплашни талаб қилишга ҳақли.

Қайд этилишича, айни пайтда қўмита томонидан истеъмолчиларга етказилган зарарни қоплаш ва қайта ҳисоб-китоб қилиш ишлари олиб борилмоқда. Шунингдек,  биржа аукционларида харид қилинган ва ёнилғи қуйиш шохобчалари орқали сотилаётган Аи-80 маркали бензин сотилишини тизимли ўрганиб чиқилмоқда.

“Шу тариқа, йил бошидан буён биржа савдолари орқали ўртача 20 тонна, жами 5,2 минг тонна нефть маҳсулотлари харид қилинганига қарамай, 241 та ёнилғи қуйиш шохобчаларида истеъмолчиларга бензин сотилмагани аниқланди, яъни сунъий ажиотаж ҳолати вужудга келтирилмоқда”, — дейилади хабарда.

Ўрганишлар натижалари бўйича materиаллар зарур чоралар кўрилиши учун Нефть маҳсулотлари ва газдан фойдаланишни назорат қилиш инспекциясига тақдим этилган.

Мавзуга доир
Изоҳ

Бунёд Рахимов

26 январ, 01:50

фойдаси йук буларга гапиришди сурхондарё ни бойсун тумани хам назорат килувчи бирон киши кемайдими тошкент дан департамент кесуунлар бир литр бензин 12500 сумдан илтимос келиб текшириб куринглар факат илиимос сизлардан

Асосий янгиликлар
Маҳаллий
“Андижонда 127 минг нафар ишсиз фуқаро мавжуд. Ҳар йили яна 50 минг нафар ёшлар меҳнат бозорига кириб келади” — президент 
Маҳаллий
Ўзбекистонда 2 февралдан метан заправкалар фаолияти тикланади
Маҳаллий
Жиззах, Самарқанд, Фарғонада электр тармоғига ноқонуний уланиб, қарийб 250 млн сўм зарар етказган тадбиркорлар ушланди