Energetika vazirligi O‘zbekistonda sifatsiz benzin sotgan va narxni asossiz oshirgan qator AYQSHlarga benzin xarid qilishga cheklovlar o‘rnatilganini ma’lum qildi.
Qayd etilishicha, ishchi guruh tomonidan AYQSHlar orqali iste’molchilarga yetkazib berilayotgan avtobenzinlarning to‘g‘ri sotilishi, ularni sifat va miqdor jihatdan to‘g‘ri sotilishi doimiy nazorat qilib borilmoqda.
Xususan, oy boshidan o‘rtacha kunlik 7137 tonnadan avtobenzin birja savdolari orqali sotuvga qo‘yib borildi. Shuningdek, “O‘zbekneftgaz” AJga qarashli barcha avtomobillarga yoqilg‘i quyish shoxobchalarida (AYQSH) Ai-80 markali avtobenzinning 1 litri 5700 so‘mdan sotilmoqda.
O‘rganishlar davomida respublika bo‘yicha 109 ta tadbirkorlik subyektlariga tegishli xususiy AYQSHlarda bir qator qoidabuzarliklarga yo‘l qo‘yilgani (narxni asossiz ravishda oshirib sotish, kamomadga yo‘l qo‘yish, sifatsiz mahsulot tarqatish, kam quyish va boshqa holatlar) aniqlandi.
Jumladan, Andijon viloyatida 4 ta, Buxoro viloyatida 8 ta, Jizzax viloyatida 4 ta, Qashqadaryo viloyatida 19 ta, Qoraqalpog‘iston Respublikasida 5 ta, Namangan viloyatida 4 ta, Samarqand viloyatida 26 ta, Surxondaryo viloyatida 1 ta, Toshkent viloyatida 5 ta, Toshkent shahrida 7 ta, Farg‘ona viloyatida 22 ta hamda Xorazm viloyatida 4 tani tashkil qiladi.
Xususan:
- Andijon viloyati Izboskan tumanida joylashgan “Ravon oil Texservise” MCHJga qarashli AYQSHda Ai-92 rusumli avtobenzinning sifati buzilgani, Ai-80 rusumli avtobenzin narxini oshirib sotilayotgani (7 000 so‘m);
- Qo‘rg‘ontepa tumanida joylashgan “Buyuk Qo‘rg‘on” xususiy korxonasiga qarashli AYQSHda Ai-92 rusumli avtobenzinning sifati buzilgani;
- Xo‘jaobod tumanida joylashgan “Vodiy trans oil” MCHJga qarashli AYQSHda Ai-80 rusumli avtobenzin narxini oshirib sotilayotganligi (7 000 so‘m) va Ai-92 rusumli avtobenzin sifati buzilgani aniqlandi.
- Xorazm viloyati Bog‘ot tumanida joylashgan “Shirin” xususiy korxonasiga qarashli AYQSHda Ai-92 (5 001 litr) rusumli avtobenzin sifatsiz ekanli;
- Tuproqqal‘a tumanidagi “Avtogaz Muqaddas” MCHJga qarashli AYQSHda Ai-80 rusumli avtobenzinni kam quyish holati;
- Namangan viloyatida Uychi tumanidagi “Davr plyus” MCHJ va Uchqo‘rg‘on tumanidagi “Furqatjon oil” MCHJlarga qarashli AYQSHlarda sotilayotgan Ai-92 rusumli avtobenzin sifatsiz ekani aniqlandi.
Hozirda ishchi guruhlar tomonidan joylarda nazorat tadbirlari davom ettirilmoqda.
“Shu o‘rinda xususiy AYQSH faoliyati bilan shug‘ullanuvchi tadbirkorlardan narxlarni sun‘iy ravishda oshirmasliklarini, avtobenzinning sifat va miqdor jihatidan to‘g‘ri sotishlarini so‘raymiz”, — deyiladi vazirlik xabarida.
Izoh (0)