Buxoro viloyati Qorovulbozor tumanida 25-yanvar kuni bolalar o‘rtasida ommaviy mushtlashuv sodir bo‘ldi. Viloyat Ichki ishlar boshqarmasi axborot xizmati holat yuzasidan munosabat bildirdi.
Ma’lum bo‘lishicha, mazkur hodisa Qorovulbozor tumani ichki ishlar bo‘limida belgilangan tartibda qayddan o‘tkazilib, mas’ul xodimlar tomonidan holatga aniqlik kiritish maqsadida tergovga qadar tekshiruv harakatlari olib borilmoqda.
Dastlabki tekshiruv natijalariga ko‘ra, ushbu holat tumandagi 8-sonli umumta’lim maktabining 8 va 9-sinf o‘quvchilari o‘rtasida sodir bo‘lgan. Hozirda hodisa ishtirokchilarining shaxsiga aniqlik kiritilgan bo‘lib, tashqi tomondan bolalarning birortasida tan jarohati alomatlari mavjud emas.
Ularning tan jarohati olgan-olmaganini aniqlash maqsadida sud-tibbiy ekspertizasi tayinlandi va tergovga qadar tekshiruv harakatlari davom ettirilmoqda. Tekshiruv yakuni bo‘yicha holat ishtirokchilarining xatti-harakatlariga qonuniy baho berilib, belgilangan tartibda javobgarlik masalalari hal etiladi.
Mavzuga doir:
Izoh (0)