“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 15-soni mavzusi “Toshkent: yo‘qotishlar va topishlar” bo‘lib, dastur mehmoni sifatida jurnalist Baxtiyor Nasimov taklif etildi.
2009-yilda Sharqiy Yevropa bo‘yicha mutaxassis bo‘lgan Brensley ismli iqtisodchi bilan intervyu qilganimda 2020-yilgi O‘rta Osiyoni qanday ko‘rishi haqida so‘raganman. U aynan hozirgi muammolarni aytgan: katta shaharlar — Toshkent, Ostona, Olmaota rivojlanadi, juda yirik qurilishlar bo‘ladi, viloyatlarda esa elektr energiyasi va suv (gaz haqida aytmagan, demak, o‘shanda bu muammo bo‘lmagan ekan) muammosi kuchayib, viloyatliklar shaharga oqib kela boshlaydi, degan. Bundan kelib chiqadiki, barchasi institutsional, yillar davomida yig‘ilib kelgan muammolar. To‘g‘ri, ularni bir kunda yechish qiyin, lekin harakatni boshlash kerak.
— Bolaligimizda ariqlar toza, hatto baliqlari bo‘lardi. Hozir tozalik tugul, ariqda suv yo‘q. Irrigatsiya qayerga yo‘qoldi? Faqat eski konservatoriya tomonda, Ekopark tomonga tushib ketadigan ko‘chada ariq qolgan. Yana qayerlarda ariq borligini eslash uchun ancha vaqtimiz ketib qoladi, avval esa hamma yerda ariq bo‘lardi, — deya bugungi irrigatsiya ahvoliga ham to‘xtaldi jurnalist.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)