NASA reaktiv harakat laboratoriyasi Yerga yakshanba kuni 2023 AT va 2023 AE1 asteroidlari yaqinlashishi haqida ma’lumot berdi. Bu haqda The Jerusalem Post xabar berdi.
Ma’lum qilinishicha, asteroidlarning ikkalasi ham yaqinda kashf etilgan. Ikkala samoviy jism ham olimlar tomonidan yangi yilning dastlabki 15-kunida aniqlangan. Asteroidlar juda kichik va ikkalasi ham taxminan bir xil o‘lchamda. 2023 AT va 2023 AE1 asteroidlarining diametrlari kamida 10 metrdan maksimal 22 metrgacha yetadi.
Ikkala asteroid tezligida biroz farq bor. 2023 AT taxminan 26 028 km/soat, ikkinchi asteroid esa 2023 AE1 biroz sekinroq 19 944 km/soat tezlikda harakatlanadi.
Oktabr oyida Yerga 30 mingga yaqin potensial xavfli asteroidlar yaqinlashayotgani haqida ma’lumot berilgan. Ular Yerning orbital yo‘lidan 45 million km uzoqlikda joylashgan. Mazkur kosmik obyekt sayyoramiz bilan to‘qnashgan taqdirda global falokat xavfi yuzaga kelishi mumkin. Shu uchun bir nechta xalqaro agentliklar — NEOCC va CNEOS ularni kuzatib bormoqda.
Izoh (0)