NASA реактив ҳаракат лабораторияси Ерга якшанба куни 2023 АТ ва 2023 АE1 астероидлари яқинлашиши ҳақида маълумот берди. Бу ҳақда The Jerusalem Post хабар берди.
Маълум қилинишича, астероидларнинг иккаласи ҳам яқинда кашф этилган. Иккала самовий жисм ҳам олимлар томонидан янги йилнинг дастлабки 15-кунида аниқланган. Астероидлар жуда кичик ва иккаласи ҳам тахминан бир хил ўлчамда. 2023 АТ ва 2023 АE1 астероидларининг диаметрлари камида 10 метрдан максимал 22 метргача етади.
Иккала астероид тезлигида бироз фарқ бор. 2023 АТ тахминан 26 028 км/соат, иккинчи астероид эса 2023 АE1 бироз секинроқ 19 944 км/соат тезликда ҳаракатланади.
Октябрь ойида Ерга 30 мингга яқин потенциал хавфли астероидлар яқинлашаётгани ҳақида маълумот берилган. Улар Ернинг орбитал йўлидан 45 миллион км узоқликда жойлашган. Мазкур космик объект сайёрамиз билан тўқнашган тақдирда глобал фалокат хавфи юзага келиши мумкин. Шу учун бир нечта халқаро агентликлар — NEOCC ва CNEOS уларни кузатиб бормоқда.
Изоҳ (0)