“Tottenhem” jamoasi Antonio Konteni iste’foga chiqarsa, Tomas Tuxel uning o‘rnini egallashi mumkin.
Evening Standart xabar berishicha, amaldagi shartnomasi 2023-yil yozida o‘z nihoyasiga yetadigan italiyalik mutaxassisning kelajagi so‘roq ostida turibdi.
Tuxel 2022-yil sentabr oyida “Chelsi”ni tark etganidan buyon hech qayerda ishlagani yo‘q. U klublarning taklifini eshitishga tayyor. Tomas “Chelsi”ga bo‘lgan muhabbatiga qaramasdan “Tottenhem”ning taklifiga ochiqligini bildirgan.
Tuxelga Londonda yashash yoqadi. Garet Sautgeyt shartnomani uzaytirmagunga qadar u Angliya terma jamoasida ishlashga ham qiziqish bildirgandi.
Shuningdek, nemis mutaxassisi ispan tilini ham o‘rganmoqda. Chunki La Liga top-klublaridan ham unga takliflar bo‘lishi mumkin.
Agarda Konte “Tottenhem”ni tark etadigan bo‘lsa, uning o‘rnini Maurisio Pochettino egallashi haqida ham xabarlar mavjud. Argentinalik murabbiy Deniel Levi bilan munosabatlarni saqlab qolgan.
Tomas Tuxel qo‘l ostida “Chelsi” 2021-yilda Chempionlar Ligasi zafar quchgan.
Izoh (0)