Shavkat Mirziyoyevning Singapurga davlat tashrifi doirasida ikki mamlakat transport vazirlari o‘rtasida muzokaralar bo‘lib o‘tdi, deb xabar bermoqda Transport vazirligi matbuot xizmati.
Qayd etilishicha, O‘zbekiston transport vaziri Ilhom Mahkamov Singapur transport vaziri S.Isvaran bilan bo‘lib o‘tgan muzokaralarda mamlakatlar o‘rtasida transport sohasidagi hamkorlik aloqalarini rivojlantirish masalalari muhokama etildi.
Xususan, tomonlar Singapur tajribasi asosida aeroportlarni rivojlantirish, jamoat transportini raqamlashtirish, respublikada transport-logistika markazlarini qurish, shuningdek, o‘zbek mutaxassislarini Singapurda tajribasini oshirishni tashkillashtirish bo‘yicha qator kelishuvlarga erishdi.
Muzokaralar yakuni bo‘yicha O‘zbekiston va Singapur Transport vazirliklari o‘rtasida transport sohasida bitim imzolandi.
Bitimga ko‘ra tomonlar qisqa muddatda qo‘shma ishchi guruhini tuzib, hamkorlikdagi loyihalarni amalga oshirishni jadallashtirish belgilandi.
Mavzuga doir: O‘zbekistonning 200 nafarga yaqin davlat xizmatchisi Singapurda malaka oshiradi
Izoh (0)