Молдова пойтахти Кишинёвда халқаро қидирувдаги ўзбекистонлик эркак қўлга олинди. Бу ҳақда Молдова полицияси матбуот хизмати хабар берди.
Молдова миллий тергов инспекциясининг жиноят қидирув бўлими ходимлари томонидан ушланган эркак Ўзбекистон ва АҚШда халқаро қидирувга берилган. 30 ёшли эркак халқаро террористик ва экстремистик ташкилотларнинг юқори мартабали аъзоси бўлиб, террорчилик жиноятларини содир этишда айбланган.
Илгари у Молдова ҳудудида қотилликка уринишда айбланиб, жазо муддатини ўтаган. Ўша пайтда унинг Ўзбекистонга экстрадиция қилиниши кутилаётган эди.
Аввалроқ Россиядаги чойхонада икки нафар ҳамюртини пичоқлагани учун қидирувда бўлган ўзбекистонлик йигит қўлга олинганди. Мазкур ҳужум оқибатида жабрланувчилардан бири вафот этганди.
Изоҳ (0)