Britaniyaning Bradt Travel Guides sayyohlik qo‘llanmalari nashriyoti 2023-yil uchun eng yaxshi sayohat yo‘nalishlari ro‘yxatini e’lon qildi, ular orasida Qoraqalpog‘iston va Samarqand ham bor.
“2023-yilda Samarqandda Jahon turizm tashkiloti Bosh аssambleyasi o‘tkaziladigan vaqtda barchaning e’tibori O‘zbekistonga qaratiladi”, — deydi Bradt Travel Guides.
Nashriyot qayd etishicha, mazkur tadbir O‘zbekistonning Buyuk Ipak yo‘lida joylashgan shaharlari va UNESCO’ning Butunjahon merosi obyektlari bilan tanishish uchun ajoyib imkoniyatdir.
Britaniya nashriyoti Samarqandning diqqatga sazovor joylari qatorida Registon maydoni, Bibixonim masjidi, Shohi Zinda memorial majmuasi kabilarni tilga oldi. Bradt Guides tarixiy diqqatga sazovor joylar bilan bir qatorda yozda O‘zbekistonda bo‘lib o‘tadigan Markaziy Osiyoning eng yirik elektron musiqa festivali (Stihia)ni ham eslatib o‘tdi.
Nashriyot Qoraqalpog‘istonning Mo‘ynoq shahridagi yangi aeroport Toshkentga haftasiga uchta reysni amalga oshirayotganini ta’kidlab, undan Samarqandga oson jo‘nash mumkinligini qayd etdi.
Izoh (0)