Қирғизистон шимолида жойлашган Иссиқкўл кўли аномал совуқ туфайли музлаб қолди, деб ёзади «Хабар 24». Бу ерда ҳарорат -30 даражагача тушиб кетган.
Маҳаллий аҳоли бу ҳодисадан хавотирга тушди, чунки Иссиқкўл одатда муз билан қопланмайди — сув ҳавзасига «Иссиқкўл» деб ном берилиши бекорга эмас. Бу унга келиб қуйиладиган дарёлардан иссиқлик энергияси захиралари тўпланиши билан боғлиқ. Сув қатламларидаги иссиқлик захиралари кўлнинг муз билан қопланишига йўл қўймайди.
Иссиқкўл сайёрадаги энг чуқур кўллар рўйхатида еттинчи ўринни эгаллайди. Шунингдек, у дунёда катталиги бўйича иккинчи ўринда турувчи шўр кўлдир. У 80 дан ортиқ жилғалар ва иккинчи даражали ирмоқлардан сув олади, бироқ ундан сув оқиб чиқмайди. Денгиз сатҳидан катта баландликда (1609 м) жойлашганига қарамасдан, кўл ҳеч қачон музламайди: сувнинг ўртача ҳарорати 22 даражани ташкил қилади.
Изоҳ (0)