NATO bosh kotibi Yens Stoltenberg nemis OAVlariga bergan intervyusida yaqin orada Ukraina og‘ir qurollarning navbatdagi partiyasini olishini aytdi, deb yozadi “Interfaks”.
“Og‘ir qurollarni yetkazib berish bo‘yicha yaqinda qabul qilingan majburiyatlarni amalga oshirish muhim, tez orada yanada ko‘proq ta’minot kutilmoqda. Biz Ukrainaga kerakli qurollarni yetkazib berishimiz zarur”, — dedi u.
O‘tgan hafta boshida Germaniyada Ukrainaga Leopard tanklarini jo‘natish bo‘yicha muzokaralar ketayotgani haqida ma’lum bo‘lgandi. Yakuniy qaror shu hafta ichida qabul qilinishi kutilmoqda. Bundan tashqari, London Ukrainaga Challenger 2 tanklari va bir nechta Apache vertolyotlarini topshirish rejasini e’lon qilgan.
14-yanvar kuni Ukraina prezidenti Vladimir Zelenskiy ofisining rahbari Andrey Yermak Ukraina o‘z ittifoqdoshlaridan og‘ir qurol-yarog‘ qabul qilishni boshlab yuborgani haqida ma’lum qildi. Kiyev aynan qaysi mamlakatlardan qanday qurol-yarog‘ olganiga Yermak aniqlik kiritmagan.
Izoh (0)