Sirdaryo tumanida 313 kilogramm iste’molga yaroqsiz go‘shtni Lacetti'da olib ketayotgan fuqaro ushlandi.
Prokuratura departamenti, viloyat IIB, Veterinariya va chorvachilikni rivojlantirish boshqarmasi xodimlari bilan hamkorlikda tezkor tadbir o‘tkazilgan.
Unda Buxoro—Toshkent yo‘nalishida harakatlanib kelayotgan Lacetti “Sirdaryo” YPX maskanida to‘xtatilib, ko‘zdan kechirilganda, fuqaro A.R.ga tegishli veterinariya hujjatlari bo‘lmagan 313 kilogramm iste’molga yaroqsiz qoramol go‘shti borligi aniqlanib, ashyoviy dalil sifatida olingan.
Mazkur holat yuzasidan Jinoyat kodeksining 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)