Сирдарё туманида 313 килограмм истеъмолга яроқсиз гўштни Lacetti'да олиб кетаётган фуқаро ушланди.
Прокуратура департаменти, вилоят ИИБ, Ветеринария ва чорвачиликни ривожлантириш бошқармаси ходимлари билан ҳамкорликда тезкор тадбир ўтказилган.
Унда Бухоро—Тошкент йўналишида ҳаракатланиб келаётган Lacetti «Сирдарё» ЙПХ масканида тўхтатилиб, кўздан кечирилганда, фуқаро А.Р.га тегишли ветеринария ҳужжатлари бўлмаган 313 килограмм истеъмолга яроқсиз қорамол гўшти борлиги аниқланиб, ашёвий далил сифатида олинган.
Мазкур ҳолат юзасидан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)