Kanada Ukrainaga berish uchun AQSHdan NASAMS zenit-raketa kompleksini sotib olmoqchi. Bu haqda Kanada mudofaa vaziri Anita Anand Twitter’da ma’lum qildi.
Anandning so‘zlariga ko‘ra, u ukrainalik hamkasbi Oleksiy Reznikov bilan gaplashgan, Reznikov havo hujumidan mudofaa tizimlari “Ukraina uchun ustuvor ahamiyatga ega” ekanini aytgan.
“Shuning uchun Kanada Ukrainaga topshirish uchun AQSHdan Milliy ilg‘or havo hujumidan mudofaa raketa tizimini (NASAMS) sotib olmoqda”, — deb yozadi Anand.
Norvegiyada ishlab chiqilgan NASAMS havo mudofaa tizimi o‘rta masofaga mo‘ljallangan bo‘lib, u “yer-havo” sinfidagi raketalarni tashiydi. Kompleks mavjud va yaqinlashayotgan dushman samolyotlari, dronlari va qanotli raketa tahdidlarini aniqlash, ularni o‘ziga qaratish va yo‘q qilish qobiliyatini maksimal darajada namoyon qiladi.
Izoh (0)