Канада Украинага бериш учун АҚШдан NASAMS зенит-ракета комплексини сотиб олмоқчи. Бу ҳақда Канада мудофаа вазири Анита Ананд Twitter’да маълум қилди.
Ананднинг сўзларига кўра, у украиналик ҳамкасби Олексий Резников билан гаплашган, Резников ҳаво ҳужумидан мудофаа тизимлари «Украина учун устувор аҳамиятга эга» эканини айтган.
«Шунинг учун Канада Украинага топшириш учун АҚШдан Миллий илғор ҳаво ҳужумидан мудофаа ракета тизимини (NASAMS) сотиб олмоқда», — деб ёзади Ананд.
Норвегияда ишлаб чиқилган NASAMS ҳаво мудофаа тизими ўрта масофага мўлжалланган бўлиб, у «ер-ҳаво» синфидаги ракеталарни ташийди. Комплекс мавжуд ва яқинлашаётган душман самолётлари, дронлари ва қанотли ракета таҳдидларини аниқлаш, уларни ўзига қаратиш ва йўқ қилиш қобилиятини максимал даражада намоён қилади.
Изоҳ (0)