Тошкент вилояти Чиноз туманида 4 январь куни одам ўлими билан боғлиқ йўл-транспорт ҳодисаси содир бўлди. Бу ҳақда Йўл ҳаракати хавфсизлиги хизмати хабар қилди.
Қайд этилишича, ҳолат шу куни соат 21:40 лар атрофида М-34 Тошкент—Душанбе автомобиль йўлининг 64-километрида содир бўлган. Ҳайдовчи «Ваз-2105» автомобилини бошқариб кетаётиб, йўл четида ҳаракатланаётган икки нафар пиёдани уриб юборган.
ЙТҲ оқибатида пиёдалар вафот этган.
«Заправкадан қайтаётгандим, йўлимдан чиқиб қолишди, тўсатдан бўлиб қолди. Афсусдаман», — деган ҳайдовчи.
Аниқланишича, ҳайдовчи ҳолат содир бўлган куни спиртли ичимлик ичган, автомобилни маст ҳолда бошқарган.
Изоҳ (0)