“G‘ijduvon” va “Qo‘qon” erkin iqtisodiy zonalari hududi kengaytiriladi

O‘zbekistonda 2023-yilda sanoat zonalari va yirik investitsiya loyihalari infratuzilmasi uchun 1,7 trillion so‘m yo‘naltiriladi.

Prezident matbuot kotibi xabariga ko‘ra, “G‘ijduvon” va “Qo‘qon” erkin iqtisodiy zonalari hududi kengaytiriladi.

Mutasaddilarga:

• 1-iyulga qadar sanoat zonalariga ajratilgan mablag‘lar hisobiga infratuzilma masalasini hal etish;
• yil yakuniga qadar sanoat zonalarida 1 ming 264 ta loyihani ishga tushirib, qo‘shimcha 3 trillion so‘mlik sanoat mahsuloti ishlab chiqarishni ta’minlash topshirildi.

“Bu imkoniyatdan viloyat, tuman hokimlari, investitsiya va sanoat bo‘yicha hokim o‘rinbosarlari foydalanishlari kerak!” – dedi prezident.