Rossiya prezidenti matbuot kotibi Dmitriy Peskov safarbarlik haqidagi ma’lumot faqat rasmiy organlardan olinishi mumkinligini ma’lum qildi. Bu haqda “TASS” xabar berdi.
Peskov shu tariqa ijtimoiy tarmoqlarda Rossiyada safarbarlikning ikkinchi to‘lqini boshlanishi haqida tarqalayotgan xabarlarga ishonmaslikka chaqirdi.
“Umuman olganda, Telegram kanallaridagi ma’lumotlarga ahamiyat berishning hojati yo‘q. Asosiy manba — Rossiya prezidenti boshchiligidagi rasmiy organlar. Telegram kanallarini bo‘rttirib ko‘rsatish kerak emas”, — dedi Peskov.
2022-yil 21-sentabrda Rossiya prezidenti Vladimir Putin qisman safarbarlik to‘g‘risidagi farmonni imzoladi. 28-oktabr kuni Rossiya mudofaa vaziri Sergey Shoygu prezidentga qisman safarbarlik yakunlangani haqida hisobot berdi. Harbiy qo‘shinga 300 ming kishi jalb qilingan. Putin safarbarlikni qayta tiklash uchun asos yo‘qligini ta’kidlagan.
Izoh (0)