Qozog‘istonning Astana-Petropavlovsk yo‘lining 236-kilometrida 9 ta avtomobil ishtirokida yo‘l transport hodisasi yuz berdi. Bu haqda Zakon.kz xabar berdi.
Hodisa oqibatida ikki haydovchi va yetti nafar yo‘lovchi jarohat olgan. YTHga VAZ 2109 rusumli avtomashinaning Chevrolet Cobalt va Volvo avtomobillari bilan to‘qnashgani sabab bo‘lgan.
“Shundan keyin yana 6 ta mashina to‘qnashib ketgan: Renault Sandero, ‘Gazel’, ikkita Toyota Camry, Daimler Chrysler va Toyota Pradop. Hodisa oqibatida 2 nafar haydovchi va 19 yoshdan 49 yoshgacha bo‘lgan 7 nafar yo‘lovchi jarohatlandi”, — deyiladi xabarda.
6 nafar haydovchiga nisbatan Qozog‘iston respublikasi Ma’muriy javobgarlik to‘g‘risidagi kodeksning 610-moddasi 1-qismi “Avtotransport haydovchilarining yo‘l harakati qoidalarini buzish orqali odamlarning sog‘lig‘iga zarar yetkazish, transport vositalari yoki boshqa mol-mulkning shikastlanishiga olib kelish” bo‘yicha ma’muriy bayonnoma tuzilgan.
Mavzuga doir: Qozog‘istonda kuchli qor bo‘roni tufayli 130 ga yaqin avtomobil yo‘li yopildi (video)
Izoh (0)