Buxoro viloyati G‘ijdivon tumanidagi savdo majmuasida 7-yanvar kuni yong‘in sodir bo‘lgandi. Viloyat FVB axborot xizmati holat yuzasidan qo‘shimcha ma’lumot berdi.
O‘rganishlar davomida 2 qavatli savdo majmuasining “B” blokidagi savdo do‘konlarining 960 kvadrat/metr maydonda joylashgan 61 ta do‘kon va ichidagi jihozlari yonib zararlangani aniqlangan.
Qutqaruvchilar savdo majmuasining “B” bloki yerto‘la qismidagi 64 ta savdo do‘koni hamda majmuaning 6000 kvadrat/metr maydondagi bloklardagi yerto‘la qismi va 1-qavatdagi jami 256 ta savdo do‘konlari saqlab qolgan.
Hodisa oqibatida tan jarohati olgan va halok bo‘lganlar yo‘q. Sodir bo‘lgan yong‘in yuzasidan viloyat IIB va FVB tomonidan tergovga qadar surishtiruv ishlari olib borilmoqda.
Yong‘in sababini aniqlash maqsadida yong‘in-texnik ekspertizasi tayinlangan. Voqea joyiga viloyat Hokimi va o‘rinbosari, viloyat FVB rahbariyati, IIB, SSB, prokuratura va boshqa tegishli tashkilotlar mas’ul xodimlari chiqishgan.
Izoh (0)