Samarqand shahrida 15—16-sentabr kunlari Shanxay hamkorlik tashkilotiga a’zo davlatlar rahbarlari ishtirokida sammit bo‘lib o‘tgandi. Shu munosabat bilan ayrim maktablarda navbatdan tashqari ta’til e’lon qilingan.
Viloyat Xalq ta’limi boshqarmasi axborot xizmatining xabar berishicha, umumiy o‘rta ta’lim muassasalariga 5—19-sentabr kunlari navbatdan tashqari ta’til berilgan. Qoldirilgan dars soatlari o‘quv yili davomida beriladigan ta’tillar hisobiga qoplanishi belgilangan.
Shunga ko‘ra, qoldirilgan darslar o‘rni qishki ta’til kunlarining oxirgi 5 kuni hisobidan, (2023-yil 5, 6, 7, 9, 10-yanvar kunlari) jami 5 o‘qish kuni evaziga qoplanishi rejalashtirilgan. Samarqandagi yuqorida nomlari sanab o‘tilgan maktablarda 5-yanvardan dars boshlangan.
Hukumatining tegishli yig‘ilish bayoniga asosan, umumta’lim hamda ixtisoslashtirilgan maktab o‘quvchilarining qishki ta’til kunlari ob-havo haroratining keskin tushib ketishi sababli 2023-yilning 17-yanvarigacha uzaytirilishini hisobga olib, mazkur maktablarda ham 7-yanvardan navbatdan tashqari ta’til e’lon qilinadi. Qoldirilgan dars soatlari bahorgi ta’tillar hisobidan qoplanadi.
Qayd etilishicha, 2022—2023-o‘quv yilining III choragi 2023-yilning 18-yanvaridan boshlanadi. 11—17-yanvar kunlari rejalashtirilgan dars mashg‘ulotlari o‘quv yili davomida boshqa mavzularda tig‘izlashtirilib o‘qitiladi.
Izoh (0)