Ижтимоий тармоқларда 2023 йил 1 январдан бошлаб Ўзбекистон фуқаролари учун крипто-активларни сотиш ва сотиб олиш тақиқланиши ҳақида хабарлар тарқалди. Истиқболли лойиҳалар миллий агентлиги ҳолатга муносабат билдирди.
Агентликнинг қайд этишича, ушбу маълумот ҳақиқатга тўғри келмайди.
2022 йил 29 декабрь куни агентликнинг расмий веб-сайтида 2023 йил 1 январдан бошлаб Ўзбекистон Республикаси фуқаролари ва юридик шахслари крипто-активларни сотиб олиш, сотиш ва (ёки) айирбошлаш бўйича операцияларни фақат миллий хизматлар провайдерлар орқали қонунчилик ҳужжатларида (Ўзбекистон Республикаси президентининг 2018 йил 3 июлдаги ПҚ-3832-сон «Ўзбекистон Республикасида рақамли иқтисодиётни ва крипто-активлар айланмаси соҳасини ривожлантириш чора-тадбирлари тўғрисида»ги қарорининг 3-банди «д» кичик банди) белгиланган тартибда амалга оширишлари мумкинлиги ҳақида хабар эълон қилинган эди.Агентлик фуқаролар ва оммавий ахборот воситалари вакилларини ёлғон маълумотлар тарқалишига йўл қўймасликка ҳамда крипто-активлар айланмаси ҳақидаги маълумотларни расмий ахборот ресурслар орқали қайта текширишга чақирган.Хабарда, шунингдек, Ўзбекистон Республикасида крипто-активлар айланмаси соҳасидаги фаолиятни амалга ошириш учун тегишли лицензия олмаган хорижий платформаларда крипто-активлар билан ҳар қандай операцияларни амалга ошириш маъмурий, жиноий ва бошқа турдаги жавобгарлик чораларини қўллашга мажбурловчи қоидабузарлик эканлиги ҳам алоҳида таъкидлаб ўтилган, — дейилади хабарда.
Изоҳ (0)