2022-yilda O‘zbekiston elektrotexnika sanoati korxonalari tomonidan umumiy qiymati 800,8 million dollardan ortiq 196 turdagi mahsulotlar 60 ta mamlakatga eksport qilindi. Bu haqda “O‘zeltexsanoat” uyushmasi xabar qildi.
Qayd etilishicha, “GSP+” imtiyozlaridan foydalangan holda Yevropaning Buyuk Britaniya, Fransiya, Germaniya, Ruminiya, Slaveniya, Chexiya, Avstriya va Vengriya davlatlariga, shuningdek, Iroq, Livan, Markaziy va G‘arbiy Afrikaning Gana, Kamerun Respublikalariga tarixda birinchi marta elektrotexnika mahsulotlari eksport qilingan.
4 ta xalqaro ko‘rgazmada milliy mahsulotlar uchun alohida maydon ajratilgan. Ko‘rgazmalar davomida korxonalar qariyb 50 million dollarlik shartnomalarni imzolashga erishgan.
Eng ko‘p mahsulotlar eksporti Turkiya, Rossiya, Qozog‘iston, Tojikiston, Ozarbayjon kabi davlatlar hissasiga to‘g‘ri keladi. Ilk marotaba 14 ta yangi korxona o‘z mahsulotlarini eksportga chiqargan.
Izoh (0)