Parijdagi qaysidir kafeda issiqqina kruassan yeyishni, Temzaga qaragan restoranda o‘tirib, bir stakan qizil vino ichishni yoki shunchaki iliq dengiz qirg‘og‘ida o‘zingizni his qilishni xohlasangiz, oddiy oqshomni bir yarim soatlik g‘ayrioddiy sayohatga aylantiradigan quyidagi filmlardan birini tomosha qiling.
“London ta’tillari”
1945-yildagi Londonni ko‘rish uchun noyob imkoniyat. Ittifoqchilar fashizm ustidan qozonilgan g‘alabani nishonlamoqda, malikalar Elizabet va Margaretga ota-onasi Bukingem saroyini tark etishga ruxsat berishadi. Nozik hazilga ega ajoyib sujet Buyuk Britaniya poytaxtining go‘zal manzaralari bilan bezatilgan: Trafalgar maydoni, Qirollik saroyi, Big Ben. Sutli choy tayyorlash va malikalar sarguzashtlarini kuzatishning ayni vaqti.
“Birinchi qasoskor: Kapitan Amerika”
Superqahramon Kapitan Amerika haqidagi film voqealari Vashingtonda bo‘lib o‘tadi. Bo‘lib o‘tgan voqealardan keyin u oddiy hayotga moslashishga harakat qiladi. Asta-sekin Kep o‘zi ishlayotgan tashkilot nimanidir yashirayotganini sezib qoladi. Shunday qilib, mallasoch agent Skarlett Yoxansson bilan hayajonli josuslik ishi boshlanadi.
“Millat xazinasi”
Xazinalar va ularning izlovchilari haqidagi sarguzasht filmda Vashingtonning barcha mashhur joylari va artefaktlarini tomosha qilish imkoniyati bor. Qahramonlarni oldin hech kim bilmagan ta’qiblar, jumboqlar va tarixiy voqealar kutadi. Nikolas Keyj butun xalqni qutqarishning uddasidan chiqadi.
“Josus”
Ushbu filmda Jud Lou Jeyms Bond rolini, Jeyson Steytem esa ahmoq super josus rolini o‘ynaydi. Komediya voqealari Yevropaning eng go‘zal poytaxtlarida, hashamatli qasrlarda, restoranlarda, samolyotlarda bo‘lib o‘tadi. Shuningdek, filmda Vengriyadagi Balaton ko‘lining go‘zalligidan bahramand bo‘lish mumkin, bu ko‘lni Steytem qahramoni okean deb xato qiladi. Ajoyib oqshom uchun ajoyib film.
“Paddingtonning sarguzashtlari”
Momiq ayiqcha haqidagi yoqimli film voqealari Peruda boshlanadi. Keyin qahramon Londonga boradi, ingliz oilasi uni Paddington stansiyasidan topadi va unga shu nomni berishadi. Ayiq, o‘zi xohlaganidek, haqiqiy oilani topadi. Tomoshabinlar odatiy London ko‘chalarini, mashhur metro va Tabiatshunoslik muzeyini ko‘radilar.
“Londonning qulashi”
Jerar Batler ishtirokidagi hayajonli jangovar filmda London olov ichra qoladi. AQSH prezidenti va uning sodiq qo‘riqchisi mamlakat bosh vaziri bilan xayrlashish uchun Britaniya poytaxtiga yetib keladi. Barcha davlatlar rahbarlarini birlashtirgan eng xavfsiz voqea davlat rahbarlariga suiqasdga aylanadi. Terrorchilar Londonga hujum qilishadi, ko‘prik va binolarni portlatishadi, lekin ular munosib raqiblarga duch kelishadi.
“Nyu-York, Nyu-York”
Filipp Seymur Xoffman ishtirokidagi dramatik hikoya. U ijodiy inqirozga uchragan teatr direktori rolini o‘ynaydi. Uning qahramoni tashlandiq omborda spektakl qo‘yish va Nyu-Yorkning haqiqiy modelini yaratishga qaror qiladi. Film taniqli ssenariy muallifi Charli Kaufmanning rejissorlik debyuti edi, shuning uchun undan chuqur va o‘ylangan sujetni kuting.
Mavzuga doir:
- Uenzdey rolini qoyilmaqom ijro etgan va internetni “portlatgan” raqsni o‘zi o‘ylab topgan Jenna Ortega haqida 20 ta fakt
- Mashhurlarning hayoti ba’zan filmlardagi komedik holatlardan ham qiziq ekanini isbotlaydigan voqealar
- Yangi yil haqidagi sevimli filmlarda rol ijro etgan bolakay va qizaloqlar hozirda qanday ko‘rinishda?
Izoh (0)