Film yoki serial yaratish uchun katta jamoa kelishib ishlashi kerak. Ammo kuchli va do‘stona jamoada ham kimdir kimdir bilan kelisholmaydi. Va ko‘pincha bu bir-biri bilan soatlab birgalikda ishlashi kerak bo‘lgan aktyorlar bo‘ladi.
Juliya Roberts va Xyu Grant
1999-yilda ekranlarga chiqqan “Notting Hill” filmi Juliya Robertsning eng yaxshi filmlaridan biri hisoblanadi. Ekranda u sherigi Xyu Grant bilan haqiqiy oshiqlardek edi, juftlik tomoshabinlar tomonidan iliq kutib olinadi. Ammo sevishganlar rolini o‘ynagan aktyorlar kadr ortida bir-birini ko‘rarga ko‘zi yo‘q edi. Buning sababi — Grant bir necha bor Robertsga og‘zining kattaligi haqida hazil qilgandi.
Biroq Juliya hamkasbining tashqi ko‘rinishi haqidagi qo‘pol so‘zlari uchun kechiradi va hatto u bilan boshqa filmda rol o‘ynash qiziqarli bo‘lishini aytadi.
Bryus Uillis va Silvestr Stallone
Bryus Uillis “Chegarasiz-3” filmidagi roli uchun gonorarini oshirishni so‘ragach, kino afsonalari o‘rtasidagi munosabatlar buziladi. Uning iltimosi qondirilmaydi va u loyihani tark etadi. Bunga javoban Silvestr Stallone hamkasbini “ochko‘z” va “dangasa” deb ataydi. Keyinchalik yulduzlar yarashishadi va Stallone Uillisdan kechirim so‘raydi.
Dueyn Jonson va Vin Dizel
Ikki yulduz o‘rtasidagi janjal 2016-yilda “Forsaj-8” filmini suratga olish paytida boshlangan. Mish-mishlarga ko‘ra, Dueyn Jonson suratga olish maydonchasiga doimo kechikib kelgan va ba’zida umuman kelmaydi. Boshqa manbalarga ko‘ra esa Vin Dizel xuddi shunday qilgan.
Ammo Jonson ijtimoiy tarmoqlarda ayol hamkasblarini maqtab, ba’zi erkak hamkasblarini noprofessionallikda ayblagan post yozmaganida, muxlislar blokbaster pardasi ortida jiddiy janjallar bo‘layotganini bilishmasdi.
Jeyson Li va Shennen Doerti
“Supermarketdagi bazm” filmida Jeyson Li va Shennen Doerti ajrashgan sevishganlar rolini o‘ynaydi. Shundan so‘ng aktyor sherigini “qo‘pol, tantiq va o‘ta yoqimsiz” deb ataydi.
Pirs Brosnan va Teri Xetcher
Aktyorlar “Agent 007: O‘lim vaqti emas” filmini suratga olish jarayonida kelisha olishmaydi. Teri Pirsni soatlab kutishga majbur qiladi, shuning uchun ham u aktrisaga juda qattiq gaplarni aytadi. Keyinchalik kechikishlar sababi aniq bo‘ladi — Xetcher homilador bo‘lib, ertalab og‘ir toksikozdan aziyat chekardi.
Jek Nikolson va Rey Uinston
Aktyorlar “Murtadlar”da birga o‘ynashgan va Uinstonning so‘zlariga ko‘ra, bir-birlari bilan unchalik yaxshi til topishmagan. “Hamma uni yaxshi ko‘radi. Men ham uni ajoyib yigit deb o‘ylashni xohlayman. Ehtimol, u og‘ir kunlarni boshdan kechirgandir”, — deydi Rey Jek Nikolson haqida.
Xarrison Ford va Shon Yang
“Tig‘ ustida yuguruvchilar” filmidagi bosh qahramonlarni o‘ynagan aktyorlar bir-birlarini shunchalik yomon ko‘rishganki, suratga olish guruhi ularning birgalikdagi sahnalaridan birini “nafrat sahnasi” deb atashgan.
Sofi Loren va Marlon Brando
Sofi Loren “Gonkonglik grafinya” filmi suratga olish jarayonida Marlon Brando unga haddan tashqari e’tibor qarata boshlaganini sezgach, gaplari va “o‘tkir” nigoh bilan tezda o‘z o‘rniga solib qo‘yadi. Aktrisaning so‘zlariga ko‘ra, shundan keyin u bilan ishlash qiyin bo‘lgan.
Mavzuga doir:
Izoh (0)