Britaniya hukumati bir necha hafta ichida Eron Islom inqilobi qo‘riqchilari korpusini terrorchi tashkilot deb e’lon qilmoqchi. Bu haqda The Telegraph xabar berdi.
Bu qarorni Britaniya Ichki ishlar vazirligi rahbari Suella Braverman va uning o‘rinbosari, xavfsizlik vaziri Tom Tugendxat qo‘llab-quvvatlamoqda. Agar Eron qo‘riqchilar korpusi terrorchi tashkilotlar ro‘yxatiga kiritilgan bo‘lsa, korpusga a’zolik, uning ramzlarini taqish taqiqlanadi. Uning faoliyatini qo‘llab-quvvatlaganlar esa jinoiy javobgarlikka tortiladi.
2019-yilda AQSH Eron Islom inqilobi qo‘riqchilar korpusini terrorchi tashkilot deb tan olgan va unga qarshi sanksiyalar kiritdi. AQSH prezidenti Jo Bayden sanksiyalarni olib tashlamoqchi emas.
Eron hukumati 2022-yilda yadroviy kelishuv doirasidagi sanksiyalarni bekor qilishni talab qilgan, biroq keyinchalik bu talabdan voz kechgan. Dekabr oyi oxirida Eronda yetti kishi Britaniya razvedka xizmatlari bilan aloqadorlikda ayblanib hibsga olingan. Guruh Eronda sentabr oyida noto‘g‘ri hijob kiyganlikda ayblanib, politsiya o‘rinbosari tomonidan hibsga olingan 22 yoshli Mahsa Aminiy o‘limi tufayli boshlangan tartibsizliklar chog‘ida qo‘poruvchilik faoliyatiga rahbarlik qilgani aytiladi.
Ma’lumot o‘rnida, Islom inqilobi qo‘riqchilari korpusi 1979-yilda tashkil topgan Eron harbiy-siyosiy tuzilmasi hisoblanadi.
Izoh (0)