Toshkentdagi 31 ta oligohda dars vaqti o‘zgaradi

Toshkent shahridagi 31 ta oliygohda 9-yanvardan boshlab dars vaqti o‘zgartiriladi. Bu haqda Oliy ta’lim vazirligi xabar berdi.

Qayd etilishicha, poytaxt metropolitenida yo‘lovchi oqimini to‘g‘ri taqsimlash, talabalarning o‘z vaqtida dars mashg‘ulotlariga yetib borishlari uchun qulaylik yaratish maqsadida bekatlarga yaqin joylashgan oliy ta’lim muassasalarining maqbullashtirilgan ish grafigi tasdiqlangan.

Unga ko‘ra, 2023-yil 9-yanvardan yuqoridagi rasmda keltirilgan ta’lim maskanlari talabalari o‘zgargan grafik asosida darslarga qatnashadi.

“Eslatib o‘tamiz, qishki ta’til tugab, dars jarayonlarining boshlanish sanasi 9-yanvar — dushanba kuniga to‘g‘ri keladi. 5-yanvardan esa talabalar turar joyi o‘z ishini boshlaydi”, deyiladi xabarda.