Чиқиндихонадан топиб олган чақалоқни ўз фарзандидек вояга етказган Митҳун Чакраборти ҳақида

Маҳоратли ҳинд актёри Митҳун Чакраборти ҳатто ҳинд киносини томоша қилмайдиганларга ҳам таниш. 80 йилларнинг машҳур «Диско раққоси» фильмининг актёри чиқиндидан топилган қизни асраб олганда, аллақачон машҳурликка эришган ва бадавлат инсон бўлган, деб ёзади «Новий очаг».

Унинг муваффақиятга эришиши осон бўлмаган: ёшлигида ҳукуматга қарши ҳаракатларда иштирок этиш Митҳунни ота-онасининг уйини ташлаб, Бомбейга қочишга мажбур қилди. У ерда актёрлик бўлимига ўқишга киришга қарор қилгунга қадар узоқ вақт оддий сотувчи бўлиб ишлади. Камбағал оиладан бўлган йигитни университетга қабул қилинмади, лекин у ўзининг ажойиб истеъдоди билан бу соҳага тасодифан келиб қолмаганини исботлади.

Аммо олий маълумот ҳам муваффақият кафолати эмас. «Қироллик ови» фильмидаги ёрқин ролдан кейин Митҳунга узоқ вақт давомида муносиб ҳеч нарса таклиф қилинмади. Айтишларича, актёр ҳатто икки кун овқат емагани учун журналистга илк интервьюсини бир тарелка гуруч эвазига берган.

80 йилларда «Диско раққоси» фильми чиққандан сўнг Чакраборти ҳақиқий машҳурликка эришди: у нафақат Ҳиндистонда, балки бошқа мамлакатларда ҳам ҳурматга сазовор бўлди. Сўнгра Митҳун ўз севгилисига турмуш қуришни таклиф қилди: модель Хелена Лок у билан узоқ вақт давомида муваффақиятсизликлар ва пул етишмовчилигини бошдан кечирганди.

Худди кино соҳасида бўлгани каби омад унга бир уринишда кулиб боқмади. Хелена билан никоҳ қисқа муддатли бўлиб, жуфтлик 2 йилдан кейин ажралди. Актёрнинг навбатдаги умр йўлдоши унинг ҳамкасби, ҳинд актрисаси Ёгита Бали эди. Улар уч нафар ўғил фарзандли бўлди. Митҳун ниҳоят узоқ орзу қилган ҳамма нарсага эришган эди: муваффақият, оила, муҳаббат.

Аммо ҳаёт унинг касбига муносиб кутилмаган совға тайёрлади. Яхши кунларнинг бирида Митҳун чиқинди қутисида қолдириб кетилган чақалоқни кўриб қолди. У бунга кўз юмиб кета олмади. Ота-онаси томонидан чиқиндихонага ташланган қизалоқ Дишани актёрнинг тўртинчи фарзанди айланди.

Дишани акаларининг суюкли синглиси, ота-онасининг эркатой қизи сифатида оилага қабул қилинди. У ҳатто отасини ўзининг ҳикояси асосида фильм яратишга илҳомлантирди: «Оила» фильми чиқиндидан топиб олинган қиз ҳақида ҳикоя қилади.

Ҳозирда Чакраборти деярли фильмларда рол ўйнамайди ва кўпроқ бизнес билан шуғулланади: Митҳун Ҳиндистондаги меҳмонхоналар тармоғининг эгаси. Аммо ўз мухлислари учун у ҳали ҳам ёш диско раққоси ва улкан юракка эга ота сифатида ҳурматга лойиқ инсон сифатида эъзозланади.