Ra’no Shodiyeva — eng yaxshi aktrisa, Hoshim Arslonov — yil aktyori. “Oltin Humo” taqdirlash marosimidan reportaj (foto, video)

28-dekabr kuni “Oltin Humo” III milliy mukofotining 2022-yilgi g‘oliblari e’lon qilindi. “Daryo” muxbirlari taqdimot marosimidan foto va videoreportaj tayyorladi.

“Oltin Humo” milliy kino taqdimotida quyidagi nominatsiyalar bo‘yicha eng yaxshilari aniqlandi:

• Eng yaxshi hujjatli film: “Matonat”, rejissor Shuhrat Mahmudov;
• Eng yaxshi animatsion film: “Buyuk ipak yo‘li bo‘ylab sayohat”, rejissor Abdulatif Haydarov;
• Eng yaxshi kompyuter grafikasi: “Abdulla Qodiriy” filmi uchun Davlat Arabshoyev,
• Eng yaxshi ovoz rejissori: “Muhabbat bahori” filmi uchun Abduqahhor Karimov;
• Eng yaxshi montaj ishi: “101-reys” filmi uchun Xurshid Alixo‘jayev;
• Eng yaxshi grim rassomi: “Muqimiy” filmi uchun Galina Ivanova;
• Eng yaxshi libos bo‘yicha rassom ishi: “Muqimiy” filmi uchun Anastasiya Sushuk;
• Eng yaxshi rassom ishi: “Muqimiy” filmi uchun Alisher Umrzoqov;Eng yaxshi kino bastakori: “Tutqunlik” filmi uchun Dmitriy Yanov-Yanovskiy;
• Eng yaxshi operatorlik ishi: “Hayrat” filmi uchun Azizbek Arziqulov;
• Eng yaxshi ssenariy: “Hayrat” filmi uchun Zulfiqor Musoqov;
• Eng yaxshi rejissorlik ishi: “Hayrat” filmi uchun Zulfiqor Musoqov;
• Eng yaxshi ayol roli: “Ayol qismati” filmidagi roli uchun Ra’no Shodiyeva;
• Eng yaxshi erkak roli: “101-reys” filmidagi roli uchun Hoshim Arslonov;
• Yilning eng yaxshi filmi: “Ayol qismati” filmi uchun Dilmurod Masaidov taqdirlandi.

  

• O‘zbekiston xalq artisti Yoqub Ahmedov,
• O‘zbekistonda xizmat ko‘rsatgan yoshlar murabbiysi Hamidulla Akbarov,
• O‘zbekistonda xizmat ko‘rsatgan san’at arbobi Jo‘ra Teshaboyev,
• Kinematografiya agentligi hududiy bo‘limi rahbari Bektulu Nizomitdinov,
• “Qoraqalpoqfilm” kinostudiyasi direktori Baxtiyor Madiyorov taqdirlandi.

Foto: “Daryo”

Milliy kino taqdimoti uchun 2021-yilning 1-yanvaridan 2022-yilning 1-oktabriga qadar premyerasi bo‘lib o‘tgan jami 85 ta film, xususan, 25 ta badiiy, 55 ta hujjatli va 5 ta animatsion filmlar taqdim etilgan bo‘lib, g‘oliblariga 25 million so‘m miqdorida mukofot puli topshirildi.

Taqdimot marosimidan reportajni quyida tomosha qilishingiz mumkin