Fantastik yerlarni nafaqat tasavvur qilib bo‘lmaydigan orzular va virtual o‘yinlarda, balki real hayotda ham ko‘rish mumkin. Faqat qayerga qarashni bilish kerak.
AQSHdagi Antilopa kanyoni (Antelope Canyon)
Bu yerlar Amerika Qo‘shma Shtatlarining janubi-g‘arbiy qismida, Arizonaning shimolida joylashgan bo‘lib, navaxo hindu qabilasiga tegishli, shuning uchun ikkita kanyon joylashgan hududga kirish uchun haq to‘lash kerak. Yo‘lboshlovchi hamrohligida dunyoga mashhur Quyi va Yuqori antilopa kanyonlariga kirasiz. Mazkur joy hayvon terisini eslatuvchi baxmal-qizil toshlar tufayli bu nomni olgan. Yomg‘ir paytida tabiiy yoriqlarga kirish taqiqlanadi, chunki suv toshqini xavfi mavjud.
Boliviyadagi Uyuni sho‘rxok yeri (Salar de Uyuni)
Dengiz sathidan 3650 metr balandlikda ulkan Altiplano platosi joylashgan. Bu yerda 40 ming yil oldin qurib qolgan va dunyodagi eng katta sho‘r ko‘l bor edi. Yomg‘irli mavsumda sho‘r botqoq suv qatlami bilan qoplanadi va ajoyib oyna effektini yaratadi. Ulkan oyna odamlar va mashinalar bulutlarda suzib yuribdi, degan illyuziyani yaratadi.
Yangi Zelandiyadagi Vaytomo yonarqo‘ng‘iz g‘orlari (Waitomo Caves)
Yonarqo‘ng‘iz Yangi Zelandiyadagi g‘orlarining yerosti labirintlarini o‘zlariga uy qilib olgan, faqat shu mamlakatda zamburug‘ chivinlarining bu turi Arachnocampa Luminosa yashaydi. Aynan ular fosforli yashil-ko‘k tungi osmonni yaratadi. Olimlarning fikriga ko‘ra, chivin qanchalik och bo‘lsa, shunchalik yorqinroq bo‘ladi.
Alyaskadagi Mendenhall muz g‘orlari (Mendenhall Ice Caves)
Global isish tufayli Juna shahri yaqinidagi muzlik erib bormoqda. Ammo yoriqlar paydo bo‘lishi va ularning erishi tufayli Mendexallda tobora ko‘proq g‘orlar ochilmoqda. So‘nggi 60 yil ichida muzlik 3 km ga chekindi va g‘orlarning rangi asta-sekin to‘q firuzadan to‘q ko‘k ranggacha o‘zgarib bormoqda.
Senegaldagi Retba va Avstraliyadagi Xilyer pushti ko‘llari
Sayyoramizda yorqin pushti suvli bir nechta ulkan ko‘llar mavjud. Ko‘llarda 3,5 milliard yil oldin Yerda paydo bo‘lgan eng qadimgi mikroorganizmlar — siyanobakteriyalar yashaydi. Ular fotosintez tufayli pushti rang beradi. Shuning uchun pushti rangni sayyoramizdagi eng qadimiy rang deb hisoblash mumkin.
Namibiyadagi o‘lik vodiy (Deadvlei)
“Hammasi tugaydigan joy” — namibiyaliklar Sossusvley gil platosining ulkan chuqurida joylashgan o‘lik vodiyni shunday atashadi. Dahshatli va shu bilan birga sehrli manzaralar bularning barchasi xayolning mahsuli, degan fikrni uyg‘otadi. Bulutsiz moviy osmon, sariq-qizil qumtepalar, ko‘k soyalar, qora rangda qurigan daraxtlar — tabiat so‘nggi 900 yil davomida shunday syurreal kompozitsiyani chizib kelmoqda. Avvalroq bu erda kuchli yog‘ingarchilik va Tsauxab daryosi qirg‘oqlarining toshib ketishi tufayli paydo bo‘lgan voha bor edi. Ammo oldinga siljigan qumtepalar suvga kirishni to‘sib qo‘ydi va qurg‘oqchilik boshlandi. Hozir quyoshdan qurigan va shamol tegmagan akatsiyalar Namibiya sahrosining o‘rtasida abadiy skeletlardek qotib qolgan.
Xitoydagi Tianzi tog‘i
Go‘zal Chjanjiajie bog‘ida hayratlanarli tabiiy mo‘jiza — balandligi 1250 m bo‘lgan Tyanszzi tog‘i bor. Toza havoda mashhur “Avatar” filmidagi uchib yuruvchi orollarga o‘xshash yana 2 ming tog‘ cho‘qqisini ko‘rishingiz mumkin. Ajoyib landshaftlar, ayniqsa, vodiy tuman bilan qoplanganida unutilmas taassurot qoldiradi.
Meksikadagi Kristallar g‘ori (Cueva de los Cristales)
Muzli xanjarlar g‘ori — Nayk shahridan 300 m chuqurlikdagi bu billur saroyni birinchi bo‘lib kashf etgan konchilar g‘orga shunday nom berishadi. Uzunligi 11 m gacha bo‘lgan va og‘irligi 55 tonnagacha bo‘lgan ulkan billur muzlar tabiat tomonidan asrlar davomida yetib bo‘lmaydigan zindonda saqlangan. Geologlar bu mo‘jizaviy Meksika konning go‘zalligi va ulug‘vorligiga ishora qilib, “Sikstin kristallari kapellasi” deb atashadi.
Mavzuga doir:
Izoh (0)