Fantaстик ерларни нафақат тасаввур қилиб бўлмайдиган орзулар ва виртуал ўйинларда, балки реал ҳаётда ҳам кўриш мумкин. Фақат қаерга қарашни билиш керак.
АҚШдаги Антилопа канёни (Antelope Canyon)
Бу ерлар Америка Қўшма Штатларининг жануби-ғарбий қисмида, Аризонанинг шимолида жойлашган бўлиб, навахо ҳинду қабиласига тегишли, шунинг учун иккита канён жойлашган ҳудудга кириш учун ҳақ тўлаш керак. Йўлбошловчи ҳамроҳлигида дунёга машҳур Қуйи ва Юқори антилопа канёнларига кирасиз. Мазкур жой ҳайвон терисини эслатувчи бахмал-қизил тошлар туфайли бу номни олган. Ёмғир пайтида табиий ёриқларга кириш тақиқланади, чунки сув тошқини хавфи мавжуд.
Боливиядаги Уюни шўрхок ери (Salar de Uyuni)
Денгиз сатҳидан 3650 метр баландликда улкан Алтиплано платоси жойлашган. Бу ерда 40 минг йил олдин қуриб қолган ва дунёдаги энг катта шўр кўл бор эди. Ёмғирли мавсумда шўр ботқоқ сув қатлами билан қопланади ва ажойиб ойна эффектини яратади. Улкан ойна одамлар ва машиналар булутларда сузиб юрибди, деган иллюзияни яратади.
Янги Зеландиядаги Вайтомо ёнарқўнғиз ғорлари (Waitomo Caves)
Ёнарқўнғиз Янги Зеландиядаги ғорларининг ерости лабиринтларини ўзларига уй қилиб олган, фақат шу мамлакатда замбуруғ чивинларининг бу тури Arachnocampa Luminosa яшайди. Айнан улар фосфорли яшил-кўк тунги осмонни яратади. Олимларнинг фикрига кўра, чивин қанчалик оч бўлса, шунчалик ёрқинроқ бўлади.
Аляскадаги Менденҳалл муз ғорлари (Mendenhall Ice Caves)
Глобал исиш туфайли Жуна шаҳри яқинидаги музлик эриб бормоқда. Аммо ёриқлар пайдо бўлиши ва уларнинг эриши туфайли Мендехаллда тобора кўпроқ ғорлар очилмоқда. Сўнгги 60 йил ичида музлик 3 км га чекинди ва ғорларнинг ранги аста-секин тўқ фирузадан тўқ кўк ранггача ўзгариб бормоқда.
Сенегалдаги Ретба ва Австралиядаги Хилер пушти кўллари
Сайёрамизда ёрқин пушти сувли бир нечта улкан кўллар мавжуд. Кўлларда 3,5 миллиард йил олдин Ерда пайдо бўлган энг қадимги микроорганизмлар — сиянобактериялар яшайди. Улар фотосинтез туфайли пушти ранг беради. Шунинг учун пушти рангни сайёрамиздаги энг қадимий ранг деб ҳисоблаш мумкин.
Намибиядаги ўлик водий (Deadvlei)
«Ҳаммаси тугайдиган жой» — намибияликлар Соссусвлей гил платосининг улкан чуқурида жойлашган ўлик водийни шундай аташади. Даҳшатли ва шу билан бирга сеҳрли манзаралар буларнинг барчаси хаёлнинг маҳсули, деган фикрни уйғотади. Булутсиз мовий осмон, сариқ-қизил қумтепалар, кўк соялар, қора рангда қуриган дарахтлар — табиат сўнгги 900 йил давомида шундай сюрреал композицияни чизиб келмоқда. Аввалроқ бу эрда кучли ёғингарчилик ва Цаухаб дарёси қирғоқларининг тошиб кетиши туфайли пайдо бўлган воҳа бор эди. Аммо олдинга силжиган қумтепалар сувга киришни тўсиб қўйди ва қурғоқчилик бошланди. Ҳозир қуёшдан қуриган ва шамол тегмаган акациялар Намибия саҳросининг ўртасида абадий скелетлардек қотиб қолган.
Хитойдаги Тианзи тоғи
Гўзал Чжанжиажиэ боғида ҳайратланарли табиий мўъжиза — баландлиги 1250 м бўлган Тянсззи тоғи бор. Тоза ҳавода машҳур «Аватар» фильмидаги учиб юрувчи оролларга ўхшаш яна 2 минг тоғ чўққисини кўришингиз мумкин. Ажойиб ландшафтлар, айниқса, водий туман билан қопланганида унутилмас таассурот қолдиради.
Мексикадаги Кристаллар ғори (Cueva de los Cristales)
Музли ханжарлар ғори — Найк шаҳридан 300 м чуқурликдаги бу биллур саройни биринчи бўлиб кашф этган кончилар ғорга шундай ном беришади. Узунлиги 11 м гача бўлган ва оғирлиги 55 тоннагача бўлган улкан биллур музлар табиат томонидан асрлар давомида етиб бўлмайдиган зиндонда сақланган. Геологлар бу мўъжизавий Мексика коннинг гўзаллиги ва улуғворлигига ишора қилиб, «Сикстин кристаллари капелласи» деб аташади.
Мавзуга доир:
Изоҳ (0)