Amerikalik tadbirkor, Microsoft asoschilaridan biri, milliarder Bill Geyts qizi Jenniferning kvartirasini sotuvga qo‘ydi. Bu haqda The New York Post xabar berdi.
Ko‘chmas mulk 1212 Fifth Avenue manzilida joylashgan. Oligarx uch xonalik kvartira uchun 4,75 million dollar so‘ramoqda, Geyt uyni trast orqali 5 million dollarga sotib olgandi. Amerikalik milliarder qizi Stenford universitetini tugatgandan so‘ng yashash joyiga ega bo‘lishi uchun yangi uy xarid qilgan.
Sotuvdagi 223 kvadrat metrlik kvartiraning shiftlari va katta derazalari Markaziy parkga qaragan. Jennifer ko‘chib kelganidan beri bu turar joyga bir nechta o‘zgarishlar kiritilgan. Xususan, mehmonxona va oshxona kengaytirilgan, bar peshtaxtasi va vino sovutgich qo‘shilgan.
Oshxona Miele va Bertazzoni jihozlari, maxsus tayyorlangan italyan shkaflari bilan jihozlangan. Bino infratuzilmasi 24 soatlik xizmat ko‘rsatuvchi menejer, fitnes markazi, aholi uchun yashash xonasi va bolalar maydonini o‘z ichiga oladi.
2021-yil oktabrda Jennifer misrlik chavandoz Niel Nassarga turmushga chiqqan, er-xotin hozirda birinchi farzandini kutmoqda.
Izoh (0)