Lionel Messi Parijdan ketmaydi. U “PSJ” bilan yangi shartnoma borasida kelishib bo‘lgan

“PSJ” hujumchisi Lionel Messi yaqin orada Parij klubini tark etmoqchi emas.

Argentinalik futbolchining otasi va agenti Xorxe Messi “PSJ” prezidenti Nossir al-Helayfi hamda direktori Luish Kampush bilan to‘rt oy mobaynida muzokara olib borgan. Shundan keyin Leo Parijda qolishga qaror qilgan, deya xabar qilmoqda jurnalist Gilyem Balage.

Ayni vaqtda Messining “PSJ” bilan amaldagi shartnomasi “2+1” ko‘rinishiga ega. Parij jamoasi unga yozda kuchga kiradigan “1+1” ko‘rinishidagi bitim taklif qilyapti. Tomonlar muddatdan tortib, maoshgacha barchasini kelishib qo‘ygan.

Qayd etilishicha, hujumchiga “Barselona”dan hech qanday taklif kelib tushmagan. Messi va uning oilasi Parijda o‘zini baxtli his qilmoqda.

Mavzuga doir:

• Messi, Benzema, Modrich va Gvardiol. L’Equipe talqiniga ko‘ra 2022-yilning eng yaxshi futbolchilari
• Lionel Messi ijtimoiy tarmoqlar tarixida eng ko‘p layk yig‘gan post egasiga aylandi