«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 12-сони мавзуси «Жамоат транспорти муаммолари» бўлиб, дастур меҳмони сифатида иқтисодчи Отабек Бакиров таклиф этилди.
Google ёки Yandex’да алоҳида харита иловаси бор. У манзилга пиёда, жамоат транспорти ёки автомобилда қанча вақтда ҳамда қандай етиб бориш тўғрисида вариантларни ҳам кўрсатади. Мен Тошкент шаҳрида жамоат транспорти таксидан кўра тезроқ етиб бориши мумкин бўлган алгоритмни ҳали кўрмадим. Шундай кунга етишимиз керакки, Google ёки Yandex бизга таксидан кўра жамоат транспортида тезроқ етиб борасан, деган вариантларни таклиф қилиши керак. Чунки одамлар учун хизмат қиладиган шаҳарларда тартиб худди шундай.
Мен доим ишга ёки бошқа ерга йўл олсам, аввал масофа ҳамда вақтни ўзим учун белгилаб оламан. Масалан, айнан шу ергача 1 соат-у 10 дақиқада 14,5 км масофа босиб келдим. Бунча вақт эса жамоат транспорти учун кўп деб ҳисоблайман. Ҳозир метро-автобусда соат 10 дан кечки 4–5 ларгача частота жуда узайиб кетган. Тошкент — 24 соатлик режимда яшаётган экотизимга эга шаҳар: бизнес ҳам, одамлар ҳам тинимсиз ҳаракатда. Шунинг учун интервални фақат «пик» пайти қисқартириш, ундан ташқари пайтда эса бемалол узайтириш мумкин, деган қараш нотўғри. Агар метро ёки автобус қатнови эрталабкидек частотада бўлганида, мен бу ерда 45 дақиқада етиб келишим мумкин эди, – дейди иқтисодчи.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)