Dam olish kunlari respublika bo‘yicha asosan kam bulutli ob-havo bo‘ladi, yog‘ingarchilik kutilmaydi, deb xabar bermoqda “O‘zgidromet”.
Qayd etilishicha, 23-dekabr kuni O‘zbekiston hududida sovuq antisiklon ta’siri saqlanib turadi. Respublika bo‘yicha havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi, faqat Farg‘ona vodiysining ayrim hududlarida kuchsiz qor yog‘ishi mumkin. Havo harorati 2-7 daraja iliq, respublika shimolida 3 daraja sovuq — 2 daraja iliq atrofida bo‘ladi.
Dam olish kunlari respublikaning barcha hududlarida quruq va asosan kam bulutli ob-havo bo‘lishi kutilmoqda. Kechasi va ertalab respublikaning ayrim hududlariga tuman tushishi mumkin.
Shanba kuni O‘zbekiston bo‘yicha sovuq havo massasining ta’siri saqlanib turadi, yakshanba kuni esa respublika hududidan sovuq havo chekina boshlaydi va kunduz kuni harorat 7-10 darajagacha iliq, janubda 11-13 darajagacha iliqqa ko‘tariladi.
Izoh (0)