Голливуд киностудиялари чалғитувчи трейлерлар ва реклама материалларини тарқатгани учун жавобгарликка тортилиши мумкин, деб хабар бермоқда «Фильм.ru» нашри.
Бу қарорга актриса Ана де Армаснинг икки мухлисининг даъвоси сабаб бўлган. Улар «Yesterday» мусиқий фильмининг трейлерини кўриб, фильмни ижарага олишга қарор қилган. Видеода де Армас борлигига қарамай, унинг роли лойиҳадан қирқилган. Мухлислар реклама трейлерини чалғитувчи деб топиб, ҳар бири фильмни чиқарган Универсал компаниясидан 5 миллион доллар талаб қилди. Даъвогарлар бу миқдорни оладими ёки йўқми номаълум. Иш яқин кунларда давом эттирилади.
«Yesterday» кинокартинаси хонанда Жек (фильмда бу ролни актёр Химеш Пател ижро этган) ҳақида, у Ер юзида The Beatles гуруҳининг барча қўшиқларини ёддан биладиган ягона инсонга айланади. Де Армас қаҳрамоннинг севгилиси Роксанна ролини ўйнаши керак эди. Режиссёр Дэнни Бойл томонидан суратга олинган «Yesterday» фильми 2019 йилда бутун дунё бўйлаб 154 миллион доллар ишлаб топди.
Мавзуга доир:
- Ирқчи, зўравон ва қоидабузар: Голливудда номақбул ишлари учун қора рўйхатга киритилган юлдузлар (фото).
- Голливудда карьераси аввалида кўзга ташланмаган, кейинроқ эса оламшумул шуҳрат қозонган актёрлар (фото).
- Голливуднинг ҳанузгача «Оскар»га лойиқ кўрилмаган машҳур актёр ва актрисалари (фото).
- Машҳурлар ажрими: Голливуднинг юлдузли жуфтликлари оиласи бузилишига сабаб бўлган ҳолатлар ҳақида гапирди.
Изоҳ (0)