ФИФА президенти Жанни Инфантино Жаҳон Чемпионатини ҳар 3 йилда ўтказишни хоҳламоқда.
Daily Mail нашрининг хабарига кўра, Инфантино Қатарда бўлиб ўтган мундиалнинг муваффақиятидан ҳайратда. Мусобақа қишда ўтказилгани катта ўзгаришларга олиб келганига ва футбол янада ўсиш ва глобаллашув салоҳиятига эга эканлигини кўрсатганига ишончи комил.
Мавсум ўртасида ўтказиладиган турнир жароҳатлар сонини кўпайтиради деган хавотирларга қарамасдан даромад бўйича рекорд ўрнатди. ФИФА ушбу мусобақадан 6,2 миллиард фунт стерлинг олди, бу ЖЧ—2018 якунида олинган даромаддан 840 миллион фунт кўп дегани.
Энди Инфантино турнирнинг ҳозирги форматини ўзгартиришни мақсад қилган. ФИФА раҳбари мундиални ҳар 3 йилда ўтказиш таклифини бермоқда. Бунда Жаҳон Чемпионатлари оралиғида йилларда 2025 йилдан бошлаб 32 та жамоа иштирок этадиган клублар ўртасидаги Жаҳон чемпионати ва Қитъа турнирлари ўтказилади.
Бундай ўзгаришлар фақат ЖЧ—2030 дан сўнг амалга ошиши мумкин. Чунки 2024 йилдан 2030 йилга қадар бўлган давр учун халқаро футбол тақвими бўйича музокаралар деярли якунланган.
Аввалроқ УЕФА ва KONMEBOL Жаҳон Чемпионатини ҳар икки йилдан ўтказишилига қарши чиққан эди.
Изоҳ (0)