Amerikaning ESPN nashri Qatarda bo‘lib o‘tgan Jahon Chempionatida VAR tomonidan chiqarilgan bahsli qarorlar ro‘yxatini e’lon qildi.
Unga ko‘ra Fransiyaning guruh bosqichi 3-turida Tunisga urgan goli bekor qilingani birinchi o‘rinni egalladi. Antuan Grizmann Afrika jamoasi darvozasini ikkinchi bo‘limga qo‘shib berilgan 8-daqiqada ishg‘ol qildi. Bosh hakam Mettyu Konjer o‘yin yakunlanganini bildiruvchi hushtakni chaldi va shundan so‘ng videotakrorni ko‘rish uchun yo‘l oldi. Natijada, Konjer gol o‘yindan tashqari holatda urilgan deb topdi, yakunda Fransiya mag‘lub bo‘ldi.
Keyinchalik fransuzlar ushbu qaror bo‘yicha apellyatsiya berdi, biroq FIFA buni rad etdi.
VAR ishtirokidagi bahsli qarorlar reytingi:
1. Grizmanning Tunis darvozasiga urgan goli bekor bo‘lgani;
2. Urugvay himoyachisi Xose Ximenesning qo‘liga to‘p tekkani bois Portugaliya foydasiga belgilangan penalti;
3. Polsha darvozaboni Shensnining Lionel Messiga ishlatgan qo‘polligi sababli belgilangan penalti;
4. To‘pning maydonni ehtimoliy tark etganidan so‘ng yaponiyalik futbolchi Ao Tanakaning Ispaniyaga urgan goli;
5. Ekvador hujumchisi Enner Valensiyaning Qatar darvozasiga urgan goli o‘yindan tashqari holat tufayli bekor bo‘lishi;
6. Fransiyalik himoyachi Teo Ernandes Marokash futbolchisi Sofyan Bufalning oyog‘iga bergan zarbasidan so‘ng penalti belgilanmasligi;
7. Angliyalik Harri Keyn Fransiya himoyachisi Dayo Upamekano bilan to‘qnashuv oqibatida yerga yiqilishidan so‘ng penalti berilmagani;
8. Krishtianu Ronalduning ganalik himoyachi Muhammad Salisu bilan to‘qnashuvidan so‘ng belgilangan penalti;
9. Gana himoyachisi Deniel Amarti va Urugvay hujumchisi Darvin Nunyez bilan bog‘liq vaziyatda penalti belgilanmagani;
10. Xorvatiya a’zosi Deyan Lovrenning o‘yindan tashqari holatda qolgani tufayli Belgiya darvozasi tomon tepilishi kerak bo‘lgan penaltining bekor qilinishi.
Izoh (0)