Тошкентда машинани ноқунуний тарзда йўл четлари ва бозор атрофларида қолдириб, сунъий тирбандлик келтириб чиқараётганларга чора кўрилади. Бу ҳақда «Тошшаҳартрансхизмат» матбуот хизмати хабар берди.
Бу масала шаҳар ҳокими Жаҳонгир Ортиқхўжаэв, Ички ишлар вазири ўринбосари Бекмурод Абдуллаев ва «Тошшаҳартрансхизмат» бошқарув раиси Анвар Жўраев бошчилигида пойтахтдаги жамоат транспорти муаммоларини ҳал қилиш юзасидан идоралараро тезкор ишчи гуруҳи масъуллари йиғилишида қайд этиб ўтилган.
Йиғилишда президент томонидан Тошкент шаҳридаги жамоат транспотини яхшилаш борасида берилган топшириқлар ижросини таъминлаш бўйича олиб борилаётган ишлар мониторинг қилинган. Шунингдек, жамоат транспортидаги энг долзарб муаммолар ечими кўриб чиқилган.
Тадбир давомида қатор йўналишларда муҳим вазифалар белгиланган:
- автобусларнинг техник ҳолати ва ҳайдовчиларнинг йўналишга чиқишидан олдин руҳий ҳолатлари ҳамда тиббий кўрикдан ўтишини мунтазам назорат қилиш;
- йўналишли транспорт воситалари учун ажратилган йўлакларда доимий рейдларни ташкил этиш;
- Навоий ва Фарғона йўли кўчаларида йўналишли транспорт воситаларининг ҳаракатига тўсиқ бўлаётган қоидабузарларга тезкор чора кўриш ва ушбу кўчаларга кузатув камераларини ўрнатиш;
- йўл четлари ва бозор атрофларида ноқунуний тарзда шахсий автоуловларини қолдириб, сунъий тирбандликни келтириб чиқараётганларга чора кўриш.
Мавзуга доир:
Изоҳ (0)