“Har qanday radikallashuvga, yoshlarni buzg‘unchi g‘oyalar bilan zaharlashga, dindan siyosiy maqsadlarda foydalanishga yo‘l qo‘ymaymiz” — Shavkat Mirziyoyev

Shavkat Mirziyoyevning  20-dekabr kuni Oliy Majlisga yo‘llagan murojaatnomasida dunyodagi hozirgi murakkab sharoitda ochiq va pragmatik, o‘zaro ishonch va hurmatga asoslangan tashqi siyosat izchil davom ettirilishi ta’kidlandi.

Qayd etilishicha, bundan keyin ham asosiy e’tibor Markaziy Osiyodagi barcha qo‘shni mamlakatlar va dunyodagi strategik sheriklar bo‘lgan davlatlar, xalqaro tashkilotlar bilan ko‘p qirrali va o‘zaro manfaatli hamkorlikni kuchaytirishga qaratiladi.

Milliy xavfsizlikni ta’minlash, Qurolli kuchlar jangovar salohiyatini oshirish borasidagi ishlar yangi bosqichga olib chiqiladi.

“Biz jamiyatimizda har qanday radikallashuvga, yoshlarimiz ongini buzg‘unchi yot g‘oyalar bilan zaharlashga, dindan siyosiy maqsadlarda foydalanishga, ma’rifat o‘rnini jaholat egallashiga yo‘l qo‘ymaymiz”, — dedi prezident.

Mavzuga doir:

• “Hal etilishiga hech kim ishonmay qo‘ygan muammolar bir necha yil davomida bartaraf etildi” — Shavkat Mirziyoyev Markaziy Osiyodagi siyosiy muhit haqida
• “Har qanday yovuz fitna va harakatlarga o‘z vaqtida va keskin zarba berishga qodirmiz” — Shavkat Mirziyoyev