2023-yilda agrar sohada yuqori qo‘shilgan qiymat zanjirini yaratish loyihalariga 1 mlrd dollar ajratiladi

Ayni vaqtda O‘zbekiston prezidenti Shavkat Mirziyoyev Oliy Majlisga murojaatnoma yo‘llamoqda. Bu haqda “Daryo” muxbiri xabar berdi.

Davlat rahbari qishloq xo‘jaligida islohotlar qat’iy davom ettiriishini ta’kidladi.

“Shu yilning o‘zida 100 ming gektar ekin yerini aholiga dehqonchilik qilish uchun bo‘lib berildi. Buning hisobidan 1,5 million tonna qo‘shimcha oziq-ovqat yetishtirildi. Eng asosiysi, qishloqlarda 400 mingta yangi dehqon xo‘jaligi tashkil qilindi, 1 million 200 mingdan ziyod odamlarimiz band bo‘lib, daromad olayapti.

Shu bois, 2023-yilda ham suv ta’minoti yaxshi 100 ming gektar qo‘shimcha ekin maydonlari aholiga ajratiladi. Kooperatsiya faol qo‘llab-quvvatlanadi, kichik va o‘rta quvvatli saqlash, saralash va qayta ishlash infratuzilmasi rivojlantiriladi.

Umuman, agrar sohada yuqori qo‘shilgan qiymat zanjirini yaratish loyihalariga 2023-yilda 1 milliard dollar ajratiladi”, — dedi prezident.