Европа Иттифоқи мамлакатлари томонидан табиий газ нархига юқори чегара қўйиш минтақага хом ашё етказиб беришни тўхтатиши ва энергия инқирозини янада кучайтириши мумкин. Бу ҳақда Bloomberg хабар бермоқда.
Таъкидланишича, Европа Иттифоқи томонидан келишилган газ нархининг юқори чегараси механизми нархлар ўзгаришининг олдини олишга ёрдам бериши мумкин.
Бироқ у Европани газ таъминоти тақчиллиги ва Осиёдан рақобат кучайишига қарши ҳимоясиз қолдириши ҳам мумкин.
Goldman Sachs Group таҳлилчиларининг ҳисоботига кўра, талабни чекламаган нархнинг юқори даражаси истеъмолни рағбатлантириш орқали газ етказиб бериш тақчиллиги хавфини келтириб чиқаради.
Бу 2023 йилда глобал таъминотни қисқартириши ва энг ёмон сценарийда ҳукуматларни газ истеъмоли ставкасини белгилашга мажбур қилиши мумкин.
Бундан ташқари, нархларнинг юқори даражаси европалик импортёрлар учун суюлтирилган газ (LNG) таъминоти учун таклифларни сезиларли даражада оширишни қийинлаштиради.
Агентлик ёзганидек, агар нархлар Европадаги чегаравий қийматлардан ошса, LNG етказиб берувчилари харидор сифатида Осиёни танлайди.
Аввалроқ Европа Иттифоқи Россия газининг юқори нарх чегарасини белгилагани ҳақида хабар берилганди.
Польшанинг иқлим ва атроф-муҳит вазири Анна Москванинг айтишича, Венгрия Европа Иттифоқида газ нархининг юқори чегараси жорий қилинишига қарши, Австрия ва Нидерландия эса бетараф қолган.
Кейинроқ Голландиянинг иқлим ва энергетика сиёсати вазири Роб Жеттен қироллик Европа Иттифоқи қарорини ҳозирги шаклда қўллаб-қувватламаслигини айтган.
Изоҳ (0)