AQSH Energetika vazirligi “atom bombasining otasi” Robert Oppengeymerga hukumatning maxfiy ma’lumotlariga kirishni taqiqlash haqidagi qarorini bekor qildi. Bu haqda Bloomberg xabar berdi.
Oppengeymerning ma’lumotlarga kirishini yopish to‘g‘risidagi qaror 1954-yilda qabul qilingan. Vazirlik Oppengeymerga nisbatan harakatni noto‘g‘ri deb atagan va Atom energiyasi bo‘yicha komissiyani o‘z qoidalarini buzganlikda ayblagan.
“Vaqt o‘tishi bilan Oppengeymer duch kelgan jarayonning noxolisligi va adolatsizligi haqida ko‘proq dalillar paydo bo‘ldi, shu bilan birga uning mamlakatga sodiqligi va muhabbati tasdiqlandi”, deyiladi bayonotda.
“Vazirlik komissiyaning vorisi sifatida Oppengeymerning tarixiy yozuvlari hamda AQSH milliy mudofaasi va ilm-faniga qo‘shgan ulkan hissasini tuzatishi kerak edi”, — deydi Energetika vaziri Jennifer Granholm qaror bekor qilinganidan keyin.
Oppengeymer Ikkinchi jahon urushi davrida Amerika yadro bombasini yaratish bo‘yicha Manxetten loyihasini boshqargan. U 1941-yilda prezident Franklin Ruzvelt tomonidan ishga tushirilgan. Keyinchalik 1945-yilda loyiha doirasida ishlab chiqilgan ikkita atom bombalari Yaponiyaning Xirosima va Nagasaki shaharlariga tashlangan.
Rivojlanish eng faol bo‘lgan davrda loyihada 130 mingdan ortiq odam ishlagan. Uning qiymati 2 milliard dollarni tashkil qilgan (2021-yil noyabr holatiga ko‘ra 23 mlrd dollarga teng).
Mavzuga doir: Xirosima va Nagasaki: 75 yillik dahshat ko‘lami suratlarda
Izoh (0)