Futbol bo‘yicha Braziliya terma jamoasi JCH—2022 dan so‘ng FIFA reytingida o‘z o‘rnini saqlab qoldi.
“Pentakampionlar” musobaqaning chorak finalida Xorvatiyaga penaltilar seriyasida mag‘lub bo‘lib, musobaqani tark etdi.
Qatardagi turnirda Argentina g‘alaba qozondi va reytingda bitta pog‘ona yuqorilab, 2-o‘rinni egalladi.
Belgiya 2 pog‘ona pastladi. Angliya esa 5-o‘rinda qoldi. Niderlandiya esa 2 pog‘ona yuqoriladi va 6-o‘rindan joy oldi.
Xorvatiya 12-o‘rindan 7-o‘ringa ko‘tarildi. Musobaqa kashfiyotlaridan biri — Marokash esa 11-o‘ringacha yuqoriladi.
FIFA 22-dekabr, payshanba kuni yangilangan reytingni rasman e’lon qiladi.
Terma jamoalarning FIFAdagi reytingi quyidagicha ko‘rinish olgan:
1. Braziliya;
2. Argentina;
3. Fransiya;
4. Belgiya;
5. Angliya;
6. Niderlandiya;
7. Xorvatiya;
8. Italiya;
9. Portugaliya;
10. Ispaniya;
11. Marokash;
12. Shveysariya;
13. AQSH;
14. Germaniya;
15. Meksika;
16. Urugvay;
17. Kolumbiya;
18. Daniya;
19. Senegal;
20. Yaponiya.
Izoh (0)