“Daryo” internet nashrining ushbu loyihasi endilikda o‘quvchilarga muhim ma’lumotlarni nafaqat o‘qish, balki tinglash orqali yetkazishni maqsad qildi. Matn tili sodda va audio shakli maxsus musiqalar bilan boyitilgan.
Bizni bu yerdan tinglang: Portret sahifasi
1-portret
O‘zbek olimasi Azizova Yulduz Sayfullayevna 1940-yil 14-dekabrda Toshkentda tavallud topgan. Toshkent davlat universitetining sharq fakulteti, arab mamlakatlari tarixi bo‘limini tugatadi.
1969-1971-yillarda Pokistonga xizmat safarida bo‘lgach, “Ikkinchi jahon urushidan keyingi Angliya-Saudiya munosabatlari” mavzusida nomzodlik dissertatsiyasini himoya qiladi.
Olima Yulduz Azizova 30 dan oshiq ilmiy maqola va risolalar muallifi bo‘lib, uning maqolalari xorijning turli jurnal va to‘plamlarida chop etilgan.
Masalaning eng muhim tomoni olima yozgan ilmiy materiallar mavzusi hozirda jamiyatimiz qidirayotgan bir qator savollarga ham javob beradi.
Quyida ular bilan tanishishingiz mumkin:
- 1967-yilgi Yaqin Sharq inqirozining iqtisodiy jihatlari (broshyura)
- Yaqin Sharq: neft va siyosat. (Y.Ponomaryev bilan hammualliflikda)
- Yaqin Sharq va imperialistik siyosat. (B.Musayev bilan hamkorlikda)
- Saudiya ayoli: jamiyatni modernizatsiya qilish jarayonlarining ta’siri va islom dinining o‘rni.
- Mehnat harakatining shakllanishi va rivojlanishi .
2-portretZamondoshlari tomonidan ajoyib shoumen va eng sof romantik an’anadagi kinorejissor deb atalgan Raj Kapur o‘zining filmlarida muhim ijtimoiy mavzularni ko‘targan.
1940-yillarda Bollivud prodyuserlik studiyalarida tahsil olgach, 24 yoshida RK Films kompaniyasini ochgan ijodkor: prodyuserlik, rejissorlik va aktyorlik faoliyatini birdek egallagan.
“Avaara xun” qo‘shig‘i orqali Sharqda ko‘p yillardan beri mashhur “Daydi” kinofilmi komediya va sevgi sahnalarini o‘zida mujassam etgan holda shaxsning axloqiy asosi nimadan iborat, degan savolga javob qidiradi.
“Janob 420” filmida esa Raj Kapur qashshoqlik, ishsizlik va yangi Hindiston davlatidagi milliy g‘urur masalalarini ko‘tarib chiqdi.
Shu bilan birga, mahoratli rejissor o‘z asarlarida tomoshabinlarining romantik sujetga qiziqishini ham saqlab qola oldi. Ha, uning filmlaridagi ohanglarda inqilobiy ruh bo‘lmagan va mana shu jozibadorligi orqali tomoshabinlarda ijtimoiy adolatsizliklarni yengish qobiliyatini shakllantirgan.
Raj Kapur insonning kurashlari oxir-oqibat sevgi va g‘amxo‘rlik qilish istagiga olib keladi, deb hisoblaydi. Uning bunday qarashlariga mashhur aktyor Charli Chaplin ijodiga bo‘lgan hayrati ham sabab bo‘lgan, albatta.
Masalan, Kapurning o‘ziga xos “individual qobiliyati”ni ochgan “Daydi” va “Janob 420” kinofilmlarida ustozi Charli Chaplindagi ijodiy ruh sezilib turadi.
#Daryo podkasti#Portret sahifasi
Muallif va boshlovchi: Oysanam G‘ulomjonova
Taklif va mulohazalaringiz biz uchun muhim
Izoh (0)