Buxoro viloyati Buxoro tumanidan o‘tuvchi xalqaro ahamiyatga ega yo‘lda fuqarolar tomonidan yo‘l qoidalari buzilgani aniqlandi. Holat yuzasidan viloyat ichki ishlar boshqarmasi ma’lumot berdi.
Aniqlanishicha, romitanlik aka-ukalar kenja ukasining to‘yi esda qolarli bo‘lishi uchun to‘y kortejiga yuk avtomobillari bilan qo‘shilgan. Yo‘l davomida ular harakatlanish qoidalarini qo‘pol ravishda buzib, magistral yo‘lni to‘laligicha to‘sib olgan.
M-37 yo‘li xalqaro ahamiyatga ega bo‘lib, aka-ukalarning bu xatti-harakatlari o‘nlab avtomobillar uchun YTH holatlarini keltirib chiqarishi mumkin edi.
“Noto‘g‘ri ish qilyapmiz deb o‘ylamagandik. Xato qilganimizni tushundik”, — deydi ular. Holat yuzasidan aka-ukalarga nisbatan ma’muriy bayonnoma rasmiylashtirilib, mashinalar jarima maydoniga joylashtirilgan.
Mavzuga doir: Namanganda transport vositalari harakatiga xalaqit bergan to‘y korteji avtomobillari jarima maydoniga joylashtirildi (video)
Izoh (0)