Uyqu sifatini yaxshilashga va chiroyli qomatga erishishga yordam beradigan 7 mahsulot

Bir xil turmush tarzi yoki o‘z-o‘zini izolyatsiya qilish ko‘plab insonlarda vazn ortishiga sabab bo‘ladi. Bu holat kuzatilmasligi uchun ovqatlanish tartibingizga yetarlicha e’tibor berish va foydali, biroq vazn ortishiga sabab bo‘lmaydigan mahsulotlarni iste’mol qilish kerak. “Noviy ochag” nashri sog‘lom uyqu va chiroyli qomatga ega bo‘lishga yordam beradigan, mutaxassislar tavsiya qilgan, tunda iste’mol qilsa bo‘ladigan mahsulotlar ro‘yxatini taqdim etdi.

Yong‘oq

“Yong‘oq uxlashga yordam beradi va ichaklarni bezovta qilmaydi. Yong‘oqlar, ayniqsa, bodom va yong‘oqlar melatoninni o‘z ichiga oladi, bu tinch va chuqur uyqu uchun javob beradigan gormon”, — deydi New Nordic kompaniyasi asoschisi, salomatlik bo‘yicha mutaxassis Karl Kristian. Ko‘plab insonlar yong‘oq qomatga zarar yetkazishi mumkin deb o‘ylaydi, biroq so‘nggi tadqiqotlar bunday emasligini ko‘rsatdi. Haftada ikki yoki undan ko‘p porsiya yong‘oq iste’mol qilgan insonlar umuman yong‘oq yemagan insonlarga qaraganda 31 foizga ko‘proq vazn yo‘qotgan.

O‘tli choy

Ko‘plab insonlar kechasi bir stakan issiq kakao ichib dam olishga odatlangan, biroq mutaxassislarning ta’kidlashicha, oddiy o‘tli choy ham uxlab qolishga yordam beradi. Choyni o‘zingiz tayyorlashingiz, dorixonadan tinchlantiruvchi aralashmani sotib olishingiz yoki hatto turli xil o‘tlarni solib paketchali choyni tayyorlab iste’mol qilishingiz mumkin — bu teng darajada foydali bo‘ladi. Moychechak damlamasi yallig‘lanishni kamaytirish va mushaklarni tinchlantirish orqali stress va tashvishlarni bartaraf etishga yordam beradigan antioksidantlarni o‘z ichiga oladi. Ko‘k choy, mate, zanjabil damlamasi metabolizmni tezlashtiradi, ya’ni ular sog‘lom vaznni saqlashga yordam beradi.

Ko‘katlar

“Organizmda magniy va triptofan yetarlicha miqdorda bo‘lishi kerak. Magniy dam olishga, uyqusizlik bo‘lsa, uxlashga yordam beradi”, — deydi Unbeelievable Health bilan ishlaydigan dietolog Syuzan Aleksandr. Tunda ko‘katlar, quritilgan loviya va tarkibida kam miqdorda yog‘ mavjud bo‘lgan sut mahsulotlarini iste’mol qiling, bu uyqu sifatini yaxshilaydi. Kam yog‘li sut mahsulotlarida ham triptofan mavjud. Bu seratonin va melatoninga o‘xshagan modda bo‘lib, chuqur uyquga ketishga yordam beradi. Triptofan yogurt, sut, makkajo‘xori, banan, xurmo, tovuq go‘shti, tuxum va yeryong‘oqda mavjud. Kam yog‘li sut mahsulotlari ko‘p yog‘li mahsulotlarga qaraganda “yengilroq”, bu esa qomatning chiroyli bo‘lishiga ta’sir qiladi.

Dukkakli mahsulotlar

Fast800 parhez rejasini ishlab chiqqan doktor Maykl Mozili O‘rta Yer dengizi sohili aholisi kabi: yog‘li baliq, dukkakli mahsulotlar va zaytun moyi bilan ovqatlanishni maslahat beradi. Mutaxassis ushbu mahsulotlar uyqu sifatini yaxshilashini, kayfiyat va vazn yo‘qotishga ta’sir qilishini aytgan. Bundan tashqari, O‘rta Yer dengizi aholisining ovqatlanish tartibi shirin mahsulotlarni yeyishni kamaytiradi, bu esa qomatni saqlashga yordam beradi. Shifokor uyquga ketishdan kamida uch soat oldin ovqatlanishni maslahat beradi. Aks holda, tana ovqat hazm qilish bilan band bo‘lib, uxlash uchun haroratni qulay haroratga tushira olmaydi.

Yog‘li baliq

PulseLight klinikasining diyetologi Liza Borg kuniga kamida uch bo‘lak yog‘li baliq iste’mol qilishni tavsiya qiladi. Bu yurak-qon tomir kasalliklari xavfini kamaytirishga yordam beradi, chunki baliq D vitamini, selen va omega-3 kislotalariga boy. Bundan tashqari, yog‘li baliq shakar iste’mol qilishni kamaytirishga yordam beradi — uning o‘ziga xos ta’mi kamroq qo‘shimcha ziravorlar va souslarni talab qiladi.

Agar inson yaxshi tungi uyqudan keyin juda charchagan holda uyg‘onsa, bu gormonal muvozanat mavjudligini ko‘rsatadi.

Kurka go‘shti 

Kurka go‘shtida kuchli uyquga ketishga yordam beradigan triptofan mavjud. Shuningdek, u juda ko‘p miqdorda proteinga ega, shuning uchun kurka go‘shti sog‘lom vazn yo‘qotishga yordam beradi. U yanada mazali va foydali bo‘lishi uchun makaron yoki salatlarga qo‘shib iste’mol qiling. Agar kurka go‘shtini yoqtirmasangiz yoki yemasangiz, uni bodomli, proteinli kokteyl yoki yong‘oq suti bilan almashtirishingiz mumkin.

Gilos

Gilosning tarkibida melatonin moddasi mavjud. Tunda eng pishgan gilosni, masalan, Monmoransi gilosini iste’mol qilgan ma’qul. Ularni kechki suli yormasiga qo‘shing, shunda muloyimlik bilan uyquga ketasiz. Gilos sharbatining o‘zi ham yordam berishi mumkin: tadqiqotlar shuni ko‘rsatdiki, gilos sharbatini ichadigan insonlarning uyquga ketishi osonroq va ular yaxshi uxlaydi.

Mavzuga doir: 

• Qotib uxlang: nima uchun chuqur uyqu muhim va uning sifatini qanday yaxshilash kerak?
• Yong‘oq, asal va uyqu sifatini yaxshilashga yordam beradigan boshqa mahsulotlar.
• Kelajakda chiroyli qomatdan mahrum qiladigan bolalikdagi 5 ta odat.
• Kuchli immunitet va nozik qomat: limon sharbatini ratsionga qo‘shish uchun 7 sabab.