“Tolibon” Markaziy Osiyo mamlakatlarini “o‘zlashtirgan” xaritasiga o‘zgartirish kiritdi

“Tolibon” o‘z dunyo xaritasini yaratgandi va unda Markaziy Osiyo mamlakatlari va Eron hududlari o‘zlashtirib olingandi. Kobulda o‘rnatilgan “globus”da “Afg‘oniston Islom Amirligi” hududiga o‘zgartirish kiritildi.

Ma’lum qilinishicha, Kobul munitsipaliteti vatanparvarlikni geografiyadan ustun qo‘ymaslikni talab qilgan jamoatchilik bilan uchrashgan. Shundan so‘ng globusga o‘zgartirish kiritilgan. Ammo mintaqa mos ravishda Hindiston va Xitoyni “itarib”, sharqqa cho‘zilgan. Xaritada Kashmir hali ham mustaqil (aslida u Pokiston, Hindiston va Xitoyning bir qismi hisoblanadi), Qatar Saudiya Arabistoni tarkibida qolgan.

Eron aftidan Tog‘li Qorabog‘ni o‘ziga olib, Gruziya bilan chegaradosh bo‘lgan. Turkiya Sharqiy Frakiyani (Yevropa qismi) yo‘qotgan, Ukraina esa 2013-yilgi chegaralar ichida qolmoqda. Mazkur globus bir daqiqada 12 marta aylanadi.

Yer sharining “Tolibon”ga xos avvalgi talqinida Eron va Markaziy Osiyo davlatlari yerlari Afg‘oniston hududiga kiritilgan va mamlakat Qozog‘iston bilan umumiy chegaraga ega edi.

Mavzuga doir: “Tolibon” o‘z dunyo xaritasini yaratdi. Ular Markaziy Osiyo mamlakatlari va Eron hududlarini “o‘zlashtirib oldi”