Fransiya maxsus sudi 2016-yilda Nitssada sodir etilgan terakt bo‘yicha gumonlanuvchilarning barchasini aybdor deb topdi, ular 2 yildan 18 yilgacha qamoq jazosiga hukm qilindi.
Terakt 2016-yilning iyul oyida sodir bo‘lgan, o‘shanda yuk mashinasidagi terrorchi Nitssa qirg‘og‘ida Fransiya milliy bayrami sharafiga kechki mushakbozlikni tomosha qilayotgan olomon ustiga bostirib kelgan. Hodisada 86 kishi halok bo‘lgan, 450 dan ortiq odam jarohat olgan. Hujumning bevosita ijrochisi — Tunisda tug‘ilgan Muhammad Lahuayej Buhlel politsiya tomonidan voqea joyida otib o‘ldirilgan.
Bu ishda uning sherigi deb hisoblangan sakkiz kishi qo‘lga olingan. Ulardan ikki nafari terrorizmga yordam berishda aybdor deb topildi, qolganlari jinoiy til biriktirish va noqonuniy qurol savdosi moddalari bo‘yicha hukm qilindi.
Hujum uchun javobgarlikni ISHID o‘z zimmasiga olgandi. Voqeadan so‘ng Fransiya hukumati 2015-yil 13-noyabr kuni Parijda yuz bergan teraktlardan keyin mamlakatda joriy etilgan favqulodda holat rejimini yana olti oyga uzaytirgan.
Mavzuga doir: Fransiyaning Nitssa shahrida terrorchi odamlarga pichoq bilan hujum qildi. Uch kishi vafot etdi
Izoh (0)